Afnám verðtryggingar á launum og gömlu nautin.

Með þessari bloggfærslu langar mig til þess að skyggnast inn í heim manna sem muna eftir því hvenær afnám verðtryggingar á launum var. Þar sem ég var upptekin í að ræða fjör og gaman í heimi barns og unglings á þeim tíma voru einhver eldri naut þarna úti að ræða þessa verðtryggingu að einhverju leiti. Nú er svo komið að ég nálgast alltof hratt aldur gömlu nautanna og farinn að skipta mér af málum. Eftir að hafa lesið og rætt við menn skil ég að nokkru leiti þá ákvörðun að þessi vísitölutenging var tekin upp, en hvað voru menn að hugsa? Mikið er rætt um að það eigi að afnema verðtryggingu og er ég því fylgjandi en slíkt þarf að gerast  í áföngum og á löngum tíma að sögn nútíma prófes-sora. Hversu langan tíma tók það að afnema verðtryggingu af launum? Hver var aðlögunartíminn á því ferli og hvaða gömlu naut samþykktu það? Voru einhver tengsl á milli lífeyrissjóðanna og verkalýðsfélaganna á þeim tíma?

Ég skora á þig sem lest þetta og veist eitthvað gagnlegt um afnám vísitölutryggingar af launum að skrifa í athugasemdir hér að neðan. Mig langar að vita meira um þetta!

 

Að lokum set ég hér inn brot úr riti sem var gefið út af Seðlabanka Íslands, árið 1998, skrifað af Bjarna Braga Jónssyni, einn af gömlu nautum Seðlabanka Íslands, væntanlega mikill prófessor síns tíma á sviði hagfræðinnar og greinilega mikils metinn. Hann lét af störfum þetta ár sem ritið var gefið út og heitir; Verðtrygging lánsfjármagns og vaxtastefna á Íslandi.Á bls. 11-12 ritar hann;    

  Sér í flokki er sú afstaða, að verðtrygging lána og launa sé órjúfanlega tengd samanaf samræmis- og sanngirnisrökum. Aðra megi því ekki heimila og framkvæma, meðan svo sé ekki um hina. Þessi röksemd heyrist þó varla lengur, að því er virðist einkumsökum hagsmuna launþega af lífeyrissjóðum sem og þess, að hvor tveggja er heimil aðlögum, þótt aðilar vinnumarkaðarins hafi sættst á að beita ekki verðtryggingu á laun,enda hefur hún yfirleitt ekki verðtryggt laun í reynd heldur hraðað verðbólgu. Engu aðsíður er ástæða til að undirstrika, að hér er um ósambærilegar viðmiðanir að ræða. Láneru að fullu verðmæti sínu afhent lánþega í væntingu þess að fá jafngilt verðmæti ískilum að lánstíma loknum, sem nemur oft árum eða áratugum. Á þeim tíma hefur lánveitandialmennt engin tök á að endursemja um lánskjör með hliðsjón af breyttumaðstæðum og hefur því fyllstu ástæðu til að tryggja verðgildi endurgreiðslu með hverjumframkvæmanlegum hætti. Aðeins með því að ná fullu raunvirði til baka og raunvöxtumþar ofan á fást vaxtatekjur í reynd, sambærilegar við laun, sem ævinlega erutekjur, misháar að raungildi í samanburði við fyrri tíma. Vinna er hins vegar ekki afhentsem stofnverðmæti heldur sem þjónusta í líðandi tíma, og er gildi launakjara háðtvenns konar takmörkun í tíma: lengd samninga og uppsagnarfresti. Þannig er tíðumendursamið um kjör, svo sem raunhæft þykir miðað við breyttar aðstæður, og unnt aðbeita uppsögn, fullnægi kjörin ekki óskum hins einstaka launþega. Ennfremur eru launsvo mikill meginhluti rekstrarkostnaðar og ráðstöfunar verðmæta í þjóðarbúi, aðóraunhæft er að festa raungildi þeirra til nokkurrar lengdar, og gildir það til beggja átta,hækkunar og lækkunar. Hugmyndin að baki verðtryggingu launa var sú, að hagvöxturog kjarabætur væru stöðugar hreyfistærðir, sem ekki gengju til baka, heldur mættistöðugt bæta ofan á. Þessi hugmynd gekk ekki upp í þjóðarbúskap háðum sveiflum íauðlindum og ytri skilyrðum. Þegar óraunhæf kröfugerð náði fram og var verðtryggð,um leið og ekkert mátti slaka á kröfunni um fulla atvinnu, leiddi þetta kerfi til sjálfgengrarverðbólgu. Engin slík félagslega þvinguð kröfugerð er hins vegar að verki ímyndun raunvaxta á markaðnum, og einokunaraðstaða a.m.k. ekki fyrir hendi af hálfu

sparifjáreigenda.

Nokkuð er víst að nautin sem standa á bakvið lífeyrissjóðina standa sterkir að baki þessa rits enda átti höfundur hagsmuna að gæta þar sem hann var að láta af störfum þá 70 ára þegar ritið var gefið út. Til að hafa þetta blogg svakalega skemmtilegt skora ég síðan á þig að smella hér. -SMELLTU HÉR-  

Hver er þessi Jóhanna Sigurðardóttir sem er höfundur þessarar þingsályktunar?

Mæting á morgun kl. 15:00 á Austurvöll!!!!!!!!!

Það skiptir máli að við sýnum samstöðu. Fyrir Grikkja tók það 18 tíma. Er ykkur alveg sama að Ólafur Ólafsson og Jóhannes í Bónus ásamt öllum hinum blóðbræðrunum smelli sér saman þannig að spilling dauðans nái að lifa. Er ykkur sama að þessir menn ásamt öðrum nái að fá gefins (afskrifað) upp undir....hundraðþúsundmilljónir...af reikningi þeirra? Láttu traðka á þér og vertu heima...........þín fjölskylda og börn munu blæða seinna.

Mætum á morgun og látum í okkur heyrast...það styttist í meiriháttar byltingu...en bara með samstöðu!

 Ekki sitja heima....komdu á Austurvöll!!!

 

 

Hvað getum við gert? Er ísland réttarríki? Hverjum getum við treyst?

Ólafur Ólafsson eðalkrimmi fékk núna 88 þúsund milljónir afskrifaðar. Já, þú ert ekki að lesa vitlaust.

Á ávísunina þyrftum við að skrifa: áttatíuogáttaþúsundmilljónir 0/100.

Þannig setti hann m.a. Samskip á hausinn. Eftir það fór hann til Hollands, stofnaði þar fyrirtæki og keypti Samskip aftur á 100 milljónir. Skiljið þið þetta? Ef ég er að skilja þetta rétt þá fær sá hin sami og setti fyrirtækið á hausinn, afskrifaðar 88 þúsund milljónir og  tækifæri til þess að kaupa það aftur á 100 milljónir.

Ég gleymdi því líka að ábyrgðir og veð hafa ekkert með Ólaf Ólafsson að gera. Sjálfsábyrgð engin.

Ef þetta er það fjármálakerfið sem á að taka við því sem var til fyrir hrun bankanna þá er framtíðin svört.

Meira um þessa frétt -Smelltu hér-

 

 

Stjórnvöld ætla ekki að gera neitt meira fyrir fjölskyldurnar í landinu! Skjalborg heimilanna í landinu er lokið!

Samkvæmt mjög áreiðanlegum heimildum á lokuðum fundi með stjórnvöldum var fullyrt að aðgerðir verða EKKI meiri gangvart leiðréttingu verðtryggða og gengistryggðra íbúðarlána fyrir fjölskyldur í landinu. Ekkert slíkt á dagskrá! Skjaldborginni er lokið.

Málin eru komin í hendur bankamanna sem þeir treysta að taki á hverju máli fyrir sig að auðmýkt. Skjaldborgin hennar Jóhönnu og Steingríms er því lokið þó svo að hún hafi aldrei byrjað. Úrræði um greiðslujöfnun er strax orðin klúður, það er ef þú vilt afþakka slíka aðgerð verður þú að staðgreiða greiðslujöfnunarreikninginn vegna þess að tölvukefið er ekki tilbúið. Fyrir utan 110% leiðréttingu húsnæðislána virka einungis fyrir þá sem eiga hús sem kostuðu yfir 80 milljónir. Allar hinar aðgerðirna sem bankarnir bjóða uppá eru bara brandari. Smelltu hér því til staðfestingar!

 Árni Páll er einn stór brandari og sá sem getur sannfært mig um annað er töframaður. Sáuið þið ekki tíu fréttir 19.01 2010. Hlustið á Árna Pál!

Við krefjumst að stjórnvöld leiðrétti öll fasteignalán í landinu þannig að við getum sagt að einhverjar aðgerðir séu að færa okkur réttlæti (justice)! Við krefjumst afnám verðtryggingu, smelltu hérna út af hverju!

Ég krefst þess að við förum að vakna upp úr Icesave rotinu og afneitun, myndum nýja stjórn fyrir heimilin í landinu og tökum völdin.

Ég hef miklar áhyggjur að margir íslendingar séu að koðna niður af þreytu og vonleysi. EKKI GEFAST UPP.

MÆTUM Á AUSTURVÖLL ALLA LAUGARDAGA kl. 15:00. Færum hörku í báráttuna okkar!

Ætlar þú að gefast upp?

Ég ég stóð blautur í fæturna í blautu grasinu á Austurvelli í dag fór ég að hugsa. Getur verið að umræða fjölmiðla á málefni Icesave deilurnar og sú athygli sem það brýna verkefni fær sé í raun ekki svo slæmt fyrir stjórn landsins? Getur stjórn landsins snúið veikleika yfir í styrkleika þannig að þeir lifi af út kjörtímabilið? Á sama tíma fór ég að hafa áhyggjur af því að baráttan fyrir réttlæti gagnvart heimilum í landinu væri hreinlega að dofna. Ætlar þú að gefast upp?

Getur það verið að við séum orðin svo þreytt á neikvæðri umræðu að flest okkar hreinlega nenna ekki að hugsa eða taka þátt í þessari erfiðu baráttu?

Er ekki bara betra að nýta okkar frítíma í það að huga að fjölskyldu og vinum?

Er þetta ekki bara töpuð barátta? Best fyrir okkur að gleyma þessu?

Það er einskær von stjórn landsins, fjármagnseigenda og ráðamanna banka og lánastofnanna að svo sé. Það verður til þess að þeir fái frið til þess að vinna sína vinnu eins og þeir voru vanir að gera. Ætlar þú að gefast upp? 

Ástæða þess að Icesave samningurinn er í uppnámi gagnvart hefðbundnum aðstæðum að á íslandi varð bankahrun og þar af leiðandi forsendubrestur. Þessi forsendubrestur er einnig fyrir hendi gagnvart öllum verðtryggðum og gengistryggðum fasteignalánum. Þessi forsendubrestur er okkar vopn í áttina að réttlæti!

Ætlar þú sem lest þetta að gefast upp? 

Kíktu á greiðsluseðilinn þinn af fasteignaláninu þínu! Hver var upprunaleg lánsfjárhæð? Hvar stendur er höfuðstóll lánsins í dag? Hvað ertu búin að borga margar greiðslur? Reiknaðu! Ertu sátt/sáttur? Er þetta bara ósköp eðlilegt? Ástæðan fyrir þessu er ekki út af því að tölvan reiknar þetta svona út. Ástæðan er afleiðing ákvörðunar  fárra manna sem sitja og sátu við stjórn þessa lands.

Ætlar þú að gefast upp?

Að sama skapi vissu  allir lántakendur gengistryggðra bílalána að lánin væru áhættusöm en þar hefur orðið þessi forsendubrestur sem gerir það að verkum að báðir aðilar verða að semja upp á nýtt. Er verið að gera það með réttlæti í huga? Er verið að koma á móts við fólkið í landinu?

Bankarnir keyra áfram ímyndarherferðir um að þeir séu að alla vilja gerðir til þess að koma á móts við sína viðskiptavini. Stjórnmálamenn landsins segja að þessi málefni séu nú í höndum bankanna og fjármálafyrirtækja. Ég spyr; er þeim treystandi? Eru þeir að viðurkenna forsendubrestinn? Eru stjórnvöld að viðurkenna forsendubrestinn? Ég fullyrði hér að ALLAR úrlausnir bankanna eru þannig uppsett að hin venjulegi skuldari heldur að það sé verið að laga hans stöðu eins mikið og hægt er. ÞAÐ ER BLEKKING.

Til þess að skýra það út  BLEKKINGUNA á einfaldan máta langar mig til þess að setja aðstæður upp svona; Nágranni þinn sýnir áhuga að fá lánað einn líter af mjólk. Að auki vill nágranninn ekki einungis borga þér einn líter af mjólk til baka, heldur með vöxtum, svona ca. 200 ml. að auki. Hinsvegar vill svo til að þú átt enga mjólk í ísskápnum þannig að þú færð lánað einn líter hjá  öðrum vini sem þú síðan lánar áfram til nágrannans. Síðan gerist það að þú þarf ekki að borga vini þínum til baka nema hálfan líter í stað heils líters. Þú heldur kjafti gagnvart nágrannanum um þennan aflsátt sem þú fékkst og heldur áfram að rukka hann um þennan eina líter + 200 ml. vaxta greiðsluna. Er þetta rétt?

Ætlar þú að gefast upp?

Mótmæltu skuldabagganum á Austurvelli

Ég trúði valla þessum rituðu orðum.....ótrúlegt!

í Fréttablaðinu í dag var grein með fyrirsögninni; "Opið bréf til Jóhönnu". Þar er farið miklu lofi um ágæti Jóhönnu. Hinsvegar koma aldrei fram hvaða Jóhönnu hann átti við en eftir að hafa lesið greinina þá var ég ekki viss um að ég skildi greinarhöfund rétt. Ég geri ráð fyrir að hann hafi hugsað til forsætisráðherrans okkar, Jóhönnu Sigurðadóttur.

Þá segir í greininni:" Til að geta komið landinu á réttan kjöl og byggja upp velferð vantaði lykilinn: Peninga. Og peninga átti þjóðin ekki. Það var búið að ræna okkur. Að taka til. Á meðan stóð píndur og örvæntingarfullur almenningur og heimtaði að komast aftur inn í þjóðfélagið; vinnustaði og heimili. Og þegar það gerðist ekki strax, byrjaði fólk að púa á ykkur Steingrím og félaga og kyssa vönd glæframannanna á Alþingi. Þessu óréttlæti hafið þið tekið af þolinmæði og prúðmennsku. Þið hafið sýnt skynsemi. Skilyrði að til að leysa frystingu eigna og gjaldeyrismála verðum við að greiða skuldir erlendis, opna fyrir samstarf við Evrópu og taka upp evru. Þessi tvö mál eru lykilmál sem byggja upp ríkisfjármálin ásamt eflingu atvinnumarkaðar og almennrar velferðar svo og að styrkja peningamál almennt."

Eftir að hafa lesið þennan hluta, var ég gapandi. Með galopinn munn og orðlaus. Ég hugsaði með mér, getur þetta í alvörunni verið skrifað sem lof eða var greinin skrifuð sem grín?

Á meðan að núverandi forsætisráðherra, f.v. Félagsmálaráðherra, Jóhanna gæti hafa gert góða hluti í gamla, gamla daga þá eru dagar hennar og Steingríms taldir. Því til rökstuðnings þarf ég bara að nefna eitt af LOFORÐUM hennar og Steingríms; AÐ SLÁ SKJALDBORG UM HEIMILIN!

Nú tæpu ári seinna hefur Jóhanna Sigurðardóttir og Steingrímur J. ekki gert NEITT annað en að vernda of slá skjaldborg um fjármagnseigendur og fjármálastofnanir. Þegar þingmenn spyrja fá þeir engin svör. Þegar þingmenn vilja upplýsingar og umræður þá  er gert lítið úr því. Hegðun Jóhönnu og Steingríms eru í áttina að því sem einræðisherrar væru stoltir af. Þessu til stuðnings getið þið lesið blogg frá Agli á eyjunni með því að smella hér.

Ég hefði trúað einhverjum alþingismanni sem hefði beina hagsmuni að vilja ekki svara þessu sem Egill setur á síðuna sína, eða ætli það sé ástæðan?

Svona í lokin fyrir alla þá sem halda að Jóhanna Sigurðardóttir sé sá aðili sem við eigum að treysta. Smelltu hér.

Hvað hefur þessi staðfasta og örugga Jóhanna gert gagnvart verðtryggðum íbúðarlánum og fyrir heimilin í landinu?

NÚLL!!!!!!

Hér er síðan greinin sem ég er að tala um í Fréttablaðinu 29/12.  Lesa grein

Sérhver dagur er einstakur. Njótum hans.

Frásögn af sjóslysi Guðmundi Sesar og Ívari Smára snertir mig. Eins og í einhverri bíómynd sér maður fyrir sér atburðarásina og maður gleymir stað og stund. Þvílíkt hugrekki við dauðans dyr. Þakka ég fyrir að deila þessari frásögn með okkur. Á sama tíma er tilkynnt hér á mbl.is sorglegt fráfall 35 ára karlmanns eftir að hafa lent í bílslysi og lætur eftir sig eiginkonu og tvö ung börn. Þessar fréttir hafa farið eins og eldur um sinu á Facebook og mikil samhugur hjá fólki. 

Megi æðri máttur vera þessum fjölskyldum styrkur í sorginni. Í báðum tilvikunum þekki ég ekki til þessa fólks, en  mikið rosalega finn ég til með fjölskyldu þeirra.

Mikið ósköp verður maður vanmáttugur og lítill þegar maður les svona frásagnir og fréttir. Hugurinn leitar til þeirra sem liggja veikir, til þeirra sem berjast fyrir sinni tilveru og hinna sem syrgja.

Hversu þakklát verðum við að vera fyrir það eina að hafa heilsu og geta notið þess að vera í kringum þá sem maður þykir vænt um? Hversu mikilvægt er það fyrir okkur öll í íslensku samfélagi að sýna náungakærleik og njóta þess að lifa frá degi til dags? Ég óska þess að ráðamenn eins og við öll hafi kærleik að leiðarljósi á sama tíma og við leggjum af stað inn í erfitt ár.

Hér eru orð sem faðir minn kynnti fyrir mér fyrir löngu síðan og hann notaði sem hvatningu fyrir sig sjálfan og sína menn er hann starfaði sem slökkviliðsstjóri á Keflavíkurflugvelli. Orð sem ég held mikið uppá.  

People are unreasonable, illogical, and self-centered.
Love them anyway.

If you are kind, people may accuse you of selfish ulterior motives.
Be kind anyway.

If you are successful, you will win some false friends and true enemies.
Succeed anyway.

The good you do today will be forgotten tomorrow.
Be good anyway.

Honesty and frankness will make you vulnerable.
Be honest and frank anyway.

What you spend years building may be destroyed overnight.
Build anyway.

People need help, but may attack you if you try to help them.
Help them anyway.

In the final analysis, it is between you and God.
It was never between you and them anyway.

Við megum aldrei hætta að að trúa á það góða sem allir hafa og munum að það tekur jafnmikla orku að vera jákvæður og að vera neikvæður. Maður hefur val.

Gleðilega hátíð kæru vinir. Réttritun og stafsetning :-)

Við fjölskyldan ákváðum í ár að senda ekki út nein jólakort til vina og vandamanna. Þess í stað létum við gott af okkur leiða og sendum nú innilegar kveðjur til ykkar allra hér á moggablogginu og í gegnum "fésbókina". Í ár fengum við mikið af hefðbundnum jólakortum sem er alltaf jafn gaman og gaman að sjá hvernig margir gera sjálfir kort með flottum myndum af fjölskyldumeðlimum. Þannig ákvað ég að setja  hér jólabloggkort á mbl.is

Þegar litið er til baka þá finnst mér að ég hafi ekki verið nógu duglegur að rækta vinabönd og heimsækja fjölskyldu. En eins og við könnumst öll við, þá er þetta nú bara svona. Dagarnir, vikurnar og mánuðirnir líða og áður en við vitum erum við árinu eldri. Vinnan flækist fyrir áhugmálum og öðru nauðsynlegu en svona er þetta. Markmið næsta árs er að rækta betur vina- og fjölskyldubönd. Einnig hef þokkalega gaman af blogginu og ætla nú að taka nokkur námskeið í réttritun og stafsetningu til að geta gert bloggið hjá mér betra.

Þangað til eftir mat. Gleðileg jól.

Skrár tengdar þessari bloggfærslu:

• Jólakort 2009 frá Baugakór

Sá sem ók þungavinnuvélinni, þjáist hann af fjármálaólæsi?

Í dag ók hópur karla og kvenna á þungavinnuvélum til að mótmæla þeirri stöðu sem við þeim blasir og í hvaða ástandi þeirra starfsgrein stefnir. Á sama tíma hafa verðtryggð íbúðarlán þessara ökumanna hækkað svo rosalega að þeir fatta það ekki. Ég spyr; Viti þið hvað verður um íbúðarlánin ykkar á næstu árum? Vitið þið hvað er að gerast?

Einnig vil ég ávarpa þessa ökumenn sem vöknuðu til lífsins í dag; HVAR HAFIÐ ÞIÐ VERIÐ SL. LAUGARDAGA ÞEGAR FÓLK HEFUR VAKIÐ ATHYGLI Á ÞESSARI STÓR ALVARLEGU STAÐREYND Á AUSTURVELLI OG ÖLL ÞIРHIN SEM EKKI MÆTTU? SKIPTIR ÞETTA YKKUR ENGU?

Nokkur dæmi um STAÐREYND. Áður en þið skoðið þessi dæmi endilega kynnið ykkur þær forsendur sem liggur að baki vísitöluhækkanna og þá verðbólgu- Smelltu hér - ______________________________________________________________

Dæmi um íbúðarlán og tölulegar staðreyndir.10.000.000 - Verðtryggð íbúðarlán til 40 ára. Vextir 5.0%. Verðbólga að jafnaði 3% (mjög fallegar forsendur)Heildargreiðsla á 40 árum = 44.335.661 eða samtals 92.365 á mánuði í 40 ár.

_____________________________________________________________

15.000.000 - Verðtryggt íbúðarlán til 40 ára. 5,2% vextir og 4.2% verðbólga.Heildargreiðsla á 40 árum = 90.873.368eða 189.319 kr. á mánuði í 40 ár.

_____________________________________________________________

20.000.000 - Verðtryggð íbúðarlán í 40 ár. 5,5% vextir og 6% verðbólga.Heildargreiðsla á 40 árum = 197.742.558 kr. eða  411.963 kr. á mánuði í 40 ár.

______________________________________________________________

Verðbólgan í dag 21.12 2009 mælist nú 8,6% en ég þori ekki að slá inn þær forsendur í lánareikninn.

Sjá heimild  - Hér -

Hvernig heldur þú að verðlagsþróun verði næstu 10 árin, sérstaklega nú með 25,5% vsk og hærri sköttum og gjöldum? 

Einstein var spurður hvað væri það máttugasta í hinum mannlega heimi. Hann svaraði (á ensku) "Compound Interest" eða svokallaðir Vaxtavextir. 

Mætum öll á nýju ári og tökum málin í okkar hendur! Þetta þýðir ekki lengur!

 

Hverjar voru afleiðingarnar þessa glæps?

Afleiðingar þessa glæps var að þeir höfðu áhrif á verð félagsins Exista. Hinsvegar spyr ég, getur verið að slík viðskipti og væntanlega fjölmörg önnur hafi haft mun víðari áhrif? Gæti það verið að slík viðskipti hafi átt sér stað til þess að veikja íslenska krónu, annarsvegar til að gera gjaldeyri fjármagnseigenda verðmætari og hinsvegar til að fegra afkomu, bókhald og ársskýrslur, td. bankanna? Þeir sömu gátu þ.a.l. greitt út ásættanlegan arð? Nú bíð ég dómi um slíkt.

Gerum okkur grein fyrir því að ef slíkt sannast þá geta allir sem hafa erlend lán höfðað einkamál á viðkomandi.

Dæmdir fyrir markaðsmisnotkun