Leita í fréttum mbl.is

Gjald of hátt?

Ef erlendum gestum okkar finnst 15.000 kr. gjald fyrir sýnatöku of mikill peningur þá er best að þau haldi sig heima fyrir. Í fyrsta lagi vegna þess að þeir munu fljótlega eftir komu fá áfall um leið og þeir panta sér fyrstu léttvínsflöskuna á veitingastað, svo ég nefni eitthvað.

Í seinna lagi þá koma slíkir gestir ekki til með að gefa okkur meðmæli ef 15.000 kr. gjaldið sé það fyrsta sem þeim ofbíður í kostnaði.

Þið sem hafið ferðast til USA vitið um ESTA ferlið og þann kostnað sem því fylgir. Um leið fá landamæraverðir (stjórnvöld) mjög nákvæmar upplýsingar um viðkomandi áður en hann fer af stað.

Ekki er allt gull sem glóir hjá USA þessa dagana en þessi feril og kostnaður kemur ekki í veg fyrir að t.d. við Íslendingar heimsækjum þá. Kostnaður við ESTA var 14 USD per ferðamann en mun nú árið 2019 breytast í 21 USD, samkvæmt heimasíðu ESTA (https://www.official-esta.com/).

Þannig segjast þeir viðhalda 15 milljón störfum í kringum þetta eitt. Annað áhugavert að stærsti hluti ESTA gjaldsins fer í fjármögnun markaðsherferða til að ná inn "góðum" túristum.

Síðastliðin 3 ár hafa gefið okkur að meðaltali 2.000.000 ferðamenn. Það þarf ekki flókna stærðfræði til að reikna út þá tekjur sem við gætum fengið og þau störf sem mundu myndast.

Næanari upplýsingar er hægt að lesa á heimasíðu þeirra:
https://www.official-esta.com/esta-resources/imminent-senate-vote-on-passing-brand-usa-bill-to-encourage-us-travel/


mbl.is Norðurljósaferðir og 5 stórar hópferðir afbókaðar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þorsteinn Briem

Helstu niðurstöður úr könnun á meðal erlendra ferðamanna hér á Íslandi sumarið 2016 - Ferðamálastofa:

"Íslandsferðin stóðst væntingar 95,5% svarenda
sem er álíka hátt hlutfall og í vetrarkönnuninni 2015-2016 og sambærilegum könnunum sem framkvæmdar voru á sama tímabili sumrin 2014 (95,6%) og 2011 (96%)."

"Tæp 82% svarenda töldu líklegt að þeir myndu ferðast aftur hingað til Íslands, sem er álíka hátt hlutfall og sumrin 2014 (83,3%) og 2011 (79,1%).

Tæplega helmingur sumargesta 2016 sagðist vilja koma aftur að sumri, um 29% að vori eða hausti og fjórðungur að vetri."

Þorsteinn Briem, 5.6.2020 kl. 19:01

2 Smámynd: Þorsteinn Siglaugsson

Það er nú viss munur á 15.000 krónum og 20 dollurum. Prófaðu að fletta upp genginu. Þá sérðu hann.

Þorsteinn Siglaugsson, 5.6.2020 kl. 19:09

4 Smámynd: Þorsteinn Briem

Ísland er 227. þéttbýlasta land í heimi, næst á eftir Ástralíu, með um þrjá íbúa á hvern ferkílómetra og nóg pláss fyrir erlenda ferðamenn í báðum löndunum.

Hér á Íslandi voru að meðaltali um 22 erlendir ferðamenn á hvern ferkílómetra árið 2017 en í Færeyjum um 114.

Útflutningsverðmæti ferðaþjónustunnar rúmlega fimm hundruð milljarðar króna árið 2017 - Um þrefalt meira en útflutningsverðmæti sjávarafurða

"Störf í ferðaþjónustu og tengdum greinum eins og veitingarekstri eru yfir 22% allra starfa á Íslandi.

Sé tekið mið af meðaltali undanfarinna sjö ára gegna konur 54% þessara starfa en karlar 46%."

Ferðaþjónusturit Landsbankans - Mars 2015

Um 139 milljarða króna afgangur af þjónustuútflutningi en 11 milljarða króna halli á vöruskiptum árið 2014

27.9.2015:

"Ef ferðaþjónustan hefði ekki komið til væri hagsveiflan sennilega á enda, þar sem vöruskiptajöfnuður er orðinn neikvæður á nýjan leik.

Ferðaþjónustan hefur gegnt algjöru lykilhlutverki í að byggja upp gjaldeyrisforða Seðlabankans."

Ásgeir Jónsson hagfræðingur (nú seðlabankastjóri) útskýrir það sem er að gerast í íslenska hagkerfinu

Auknar fjárveitingar ríkisins til Landspítalans, háskólanna og vegagerðar koma frá ferðaþjónustunni.

27.11.2014:

Hagvöxturinn byggist á vexti ferðaþjónustunnar

Þorsteinn Briem, 5.6.2020 kl. 19:19

5 Smámynd: Guðmundur Ásgeirsson

Af hverju ættu skattgreiðendur að niðurgreiða veirupróf um rúmar 7.000 kr. fyrir hvern ferðamann svo hann þurfi að ekki að borga fullt verð heldur 15.000 kr.?

Guðmundur Ásgeirsson, 5.6.2020 kl. 19:35

6 Smámynd: Ásgrímur Hartmannsson

Kári segir að prófið kosti 3000-3500 krónur.

Svo... er okur í lagi?

Ásgrímur Hartmannsson, 5.6.2020 kl. 19:38

7 Smámynd: Guðmundur Ásgeirsson

Kostnaðarmat stjórnvalda segir 22.857 kr.

Kári er ekki að fara að skima þetta.

Guðmundur Ásgeirsson, 5.6.2020 kl. 19:47

8 Smámynd: Þorsteinn Siglaugsson

Kostnaðarmati er út í hött. Megnið af kostnaðinum sem er talinn til er til staðar hvort sem er. Hann hverfur ekkert þótt veiruprófunum sé sleppt. Því er hann ekki tilkominn vegna þeirra.

Þorsteinn Siglaugsson, 5.6.2020 kl. 20:10

9 identicon

Gjaldið leggst einnig á Íslendinga þegar þeir koma að utan. Hækkar helgarferð hjóna um 30 þúsund og er þarmeð orðinn verulega stór hluti ferðakostnaðar. Og ef önnur ríki taka þetta upp eftir okkur þá er langt í að ferðaþjónustan nái sér á strik. Það getur komið í bakið á okkur að gefa slæmt fordæmi.

Vagn (IP-tala skráð) 5.6.2020 kl. 20:10

10 Smámynd: Þorsteinn Siglaugsson

Hárrétt Vagn. Þetta er bara hreinn og klár kjánaskapur. Og ávinningurinn af því að vera yfirleitt að standa í þessum skimunum er væntanlega lítill sem enginn.

Þorsteinn Siglaugsson, 5.6.2020 kl. 20:13

11 identicon

Rangt Guðmundur! Kári ER að fara að skima. Þórólfur tók það  fram í Kastljósi í vikunni...

Better safe than sorry!sealed

Þjóðólfur í Veiru (IP-tala skráð) 5.6.2020 kl. 21:25

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Haraldur Haraldsson
Haraldur Haraldsson

Höfundur er Markaðsfræðingur/ Sálfræði frá Middle Tennessee State Univeristy (mtsu.edu).

Fæddur í Reykjavík 1971 og ólst upp í Garðabæ. Giftur Bergdísi Eysteinsdóttur sérkennslukennara. Eigum eina dóttur, Birtu Björk Haraldsdóttur fædd 2001.

Nærist á því að vera í kringum gott fólk og hef skýr lífsgildi um heiðarleika, kærleika.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband