Leita í fréttum mbl.is

Bloggfærslur mánaðarins, ágúst 2008

Hærri skattar er lausnin!!!

Í Speglinum á Rás 2 í dag var frétt og viðtal við Þórólf Matthíasson, hagfræðiprófessor við Háskóla Íslands um þá staðreynd að ríkistjórnin hefur ekki enn tekið gjaldeyrislánið sem það fékk heimild til að taka fyrr á árinu. Eitt leiddi af öðru í þessu viðtali og niðurstaða Þórólfs var sú að ríkistjórnin mundi verða að hækka skatta til að hjálpa til þess að geta tekið þetta lán. Um leið og ég heyrði þetta spurði ég sjálfan mig hvort ég hafi misst af einhverju og hvort ég væri að missa frá mér almenna skynsemi? Ég spurði sjálfan mig hvort svona fárveik króna og brjáluð verðbólga (13%...gott fólk) væri ekki nógu skýr skilaboð til þjóðarinnar um sparnað og aðhald. Eða er ég að misskilja þennan Hagfræðing? Ætli hann geri sér grein fyrir að einstaklingar hafa ekki aðgang að neinu fjármagni til kaupa á einu eða neinu nema í gegnum 26% yfirdráttarvexti eða 22% neyslulán. Vextir í erlendri mynt er.....gott fólk......tæp 13%. Ástæðan fyrir lágum gjaldeyrisforða ekki vegna neyslu einstaklinga í þjóðfélaginu, eða hvað heldur þú? Það er aðeins mjög lítill hluti og þeir sem hafa leikið sér með kerfið eru bankarnir. Síðan eigum við skattborgararnir að kaupa lán á OKURvöxtum og á sama tíma auka við okkur skattbyrðina til hjálpa bönkunum að geta fengið meira erlenda mynt. 

Sjá frétt af Rás 2:

06.08.2008
Spegillinn í dag

Nauðsynlegt er að stækka gjaldeyrisforða Seðlabankans verulega, segir Þórólfur Matthíasson, hagfræðiprófessor við Háskóla Íslands. Forðinn er ekki nema um 200 milljarðar króna en þyrfti að vera allt að 2500 milljarðar króna, segir Þórólfur. Það dugi ekki að hvetja fólk til að spara. Leggja þurfi á aukna skatta svo unnt sé að byggja upp nægilega stóran gjaldeyrisvarasjóð. Kristrún Tinna Gunnarsdóttir, hagfræðingur hjá Greiningardeild Landsbankans, segir að ríkisstjórnin eigi að efna loforðið um að taka stórt erlent lán til að auka gjaldeyrisforðann. Það skipti ekki öllu máli þótt kjörin séu ekki góð - láninu hafi verið lofað og það eigi að efna. Annað séu röng skilaboð til erlendra markaða. 


Kapítalistinn er hægt og rólega að breytast í kommúnista

Ert þú á leiðinni til Ameríku? Á eftirfarandi vefsíðu er að finna það allra nýjasta í skilyrðum innflytjendastofnun Bandaríkjanna: http://www.cbp.gov/xp/cgov/newsroom/fact_sheets/travel/esta_factsheet.xml

Að auki mega þeir opna allar tölvur, fara í alla minniskubba og skoða innihald allra tölvugagna sem koma inn í landið. Ef þetta er ekki í anda kommúnista þá vinsamlegast leiðréttið mig. Ég var við nám í bandaríkjunum í 5 ára, á góða vini í Bandaríkunum og nána ættingja en ég get ekki annað en fengið nóg af þessari vitleysu og þvælu sem vellur frá þeim þessa daganna. Skrýtið hversu skaddaðir Bandaríkjamenn eru orðnir í stjórnsýslu og skoðunum þeirra. Síðan er undarlegt hversu mikið frjálsræði vellur frá Kínverjum og Rússum. Getur verið að þeir séu að breytast í kapítalista?


Höfundur

Haraldur Haraldsson
Haraldur Haraldsson

Höfundur er Markaðsfræðingur/ Sálfræði frá Middle Tennessee State Univeristy (mtsu.edu).

Fæddur í Reykjavík 1971 og ólst upp í Garðabæ. Giftur Bergdísi Eysteinsdóttur sérkennslukennara. Eigum eina dóttur, Birtu Björk Haraldsdóttur fædd 2001.

Nærist á því að vera í kringum gott fólk og hef skýr lífsgildi um heiðarleika, kærleika.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband