Ekki gleyma okkur í politíkinni! Við erum í átthagafjötrum!!!

Við höfum öll (þeir sem hafa fasteignalán) vandamál sem við þurfum að laga NÚNA. Að laga vandamál fyrirtækja skiptir líka miklu en gleymum ekki að fyrirtæki eru kennitölur sem verða gjaldþrota, það á ekki við þá sem reka heimili. Bankarnir eiga líka í vanda, enn og aftur eru bankarnir líka fyrirtæki í svipaðri stöðu og fyrirtæki. Grundvöllur samfélags erum við.

meira:

http://hhbe.blog.is/blog/hhbe/entry/786246/

Ekki gleyma okkur í politíkinni! Við erum í átthagafjötrum!!!

Við höfum öll (þeir sem hafa fasteignalán) vandamál sem við þurfum að laga NÚNA. Að laga vandamál fyrirtækja skiptir líka miklu en gleymum ekki að fyrirtæki eru kennitölur sem verða gjaldþrota, það á ekki við þá sem reka heimili. Bankarnir eiga líka í vanda, enn og aftur eru bankarnir líka fyrirtæki í svipaðri stöðu og fyrirtæki. Grundvöllur samfélags erum við.

Á einum mánuði hafa lánin okkar hækkað skelfilega á meðan virði fasteigna hafa fallið. Vísitalan er grundvöllur fyrir þeirri hækkun og hún er reiknuð út frá neysluvörum sem hefur ekkert að gera með virði fasteigna....erum við ekki í lagi!

Hér er Excel skjal sem þú getur leikið þér með.

Kjósum okkur fólk með þekkingu, því hver sem gerir sér grein fyrir þessari staðreynd hlýtur að vilja breyta því!

Skrár tengdar þessari bloggfærslu:

• Lánareiknir fasteignalána og annara lána

Beygjum viljan undir rödd skynseminnar!

Undir niðri er ég nokkuð sáttur við að almenningur skuli nú að hörku láta í sér heyra. En ofbeldi og kjánaskapur gangvart lögreglumönnum við skyldustörf er líka vanvirðing, þeir sitja við sama borð og við hin. Sitjandi hefðbundinn mótmæli grímulausra íslendinga er örugglega betri leið. Ég er mest hræddur að þegar myndskeið verða sendar erlendis minkar það litla traust sem við höfum í dag niður í ekkert. Þó viðurkenni ég að maður er orðin þreyttur á óvissunni og maður krefst svara um hag heimilanna í landinu. Einnig viðurkenni ég það að maður er orðin hálf ringlaður ganvart aðstæðum.

Vinur minn Andrés Jónsson bloggaði góða grein í dag sem segir mikið. Endilega lesið hana; http://andres.eyjan.is/?p=963

Loksins samtök sem ég ætla að gerast meðlimur í

Hingað til hef ég ekki viljað skunda á Austurvöll þar sem stjórnarandstæðingar og gamlir "Ísland úr NATO" baráttufólk hefur komið saman s.l. viku með umdeildan fundarstjóra. Hagsmunasamtök Heimilinna verða samkv. fréttinni ópólitísk samtök sem hafa þor, greind og vilja til þess að ná fram lausnum sem brúa bilið milli lánveitanda og lántaka. Aðstæður eru mjög alvarlegar og við þurfum að fá hæfasta fólkið úr einkageiranum til að koma saman og ná snjöllum lausnum til að leiðrétta stöðu íbúðalána heimilanna. Mætum öll á morgun og sýnum samstöðu. Ég skráði mig í samtökin á www.heimilin.is

Hagsmunasamtök heimilanna stofnuð

"Word-of-Mouth" er öflugasta boðleið nútímans

Þeir sem eru í markaðsfræðum og hafa lesið nýjustu rannsóknir vita að svokallað "Word-Of-Mouth" hefur töframátt. Eitt nýlegt slíkt markaðsathæfi átti sér stað þegar spjaldið "Helvítis-fokking-fokk" barst milli manna eins og eldur í sinu. Ekki ein auglýsing, ekki króna í kynningu en hver einasti íslendingur kannast við þetta orð. "Word-of-wouth" hefur einnig marfaldan áhrifamátt á ákvarðanaröku einstaklingsins. Trúverðugleiki þessara "Word-Of-Moth" orða eru margfaldari meiri en flottasta auglýsing bæjarins. Við hér á blogginu getum notað okkur þennan vettvang til að aðstoða hvort annað í að versla af þeim sem verðskulda viðskipti og sneiða  fram hjá öðrum.

Mig langar til að byrja og hvetja alla sem lesa að skrá sig á www.heimilin.is, en þar er að finna heimasíðu að samtökum sem eru í undirbúningi, öflug samtök fyrir alla íslendinga óháð stjórnvöldum og pólitík. Þar komum við til með að sjá svart á hvítu hvað við þurfum að gera til losna undan skuldafangelsinu. Í samtökunum er fjöldi fræðinga á mörgum sviðum sem hafa nú risið upp og eru orðnir þreyttir á þeim dofa sem einkennir aðgerðaleysið í málefnum heimilanna. Komdu á stofnfund n.k fimmtudag 12.jan - Háskólanum í Reykjavík - Salur 101 kl. 20:00. Vertu með og sýndu samstöðu með því að mæta. Láttu orðið berast, því mátturinn er þar!

NY Times á rúntinum í Reykjavík

Ágæt grein frá sjónarhorni túristans eftir hrunið.

Saga ferðamanns um Reykjavík og nágrenni í 36 tíma.:

http://travel.nytimes.com/2009/01/11/travel/11hours.html?emc=eta1

 

Loksins samtök sem eru óháð stjónmálaflokkum! Vertu memm!!!!!

Ég veit að aðstæður hjá þeim sem hafa verðtryggð húsnæðislán eru í miklum vanda. Einnig er staðreynd að þeir sem eru með myntkörfulán annaðhvort á fasteignum eða bílum eru í enn meiri vanda. Hinsvegar ef við höfum valið að taka óverðtryggð húsnæðislán til 40 ára værum við strax gjaldþrota. Málið er grafalvarlegt og við komum öll til með finna fyrir gríðarlegri kaupmáttarskerðingu og fjölmargir tapa aleigu sinni. Helstu raunhæfu barátumál okkar sem eru í verkalýðsfélögum er að fá leiðréttingu á fasteignalánum og breytingum á lánakjörum, lánafyrirkomulagi og alvöru fasteignavísitölu. Ábyrgð skuldara og lánveitanda þarf að fá meira jafnvægi.

Við VERÐUM að standa saman....Farið hingað inn, skráið ykkur og verið með.....loksins eru til samtök sem gætu haft áhrif!

http://www.facebook.com/group.php?gid=66652379288

http://www.heimilin.is

Tryggvi Jónsson

Lesið nú þessa frétt. Samfélag okkar hefur að geyma menn sem hafa mikla skynsemi en littla samvisku. Þeir sem standa í því að mótmæla eiga að mótmæla því að slíkir þjóðfélagsþegnar nái aftur fótfestu í okkar samfélagi.

Tryggvi hafði bein afskipti

Er ég sá eini sem finnst þetta stórfrétt?

Þessi frétt var á baksíðu Morgunblaðsins í dag. Fyrir mína fjölskyldu og okkar fjárhag eru þetta örugglega einu bestu fréttirnar í langan tíma. Hinsvegar var ekkert minnst á þessi mál í sjónvarpsfréttum og ekkert í Fréttablaðinu. Hvað segið þið?

 

ÁKVEÐIÐ hefur verið að flytja erlend íbúðalán heimila, sem hafa hækkað mikið í kjölfar gengisfalls krónunnar á síðasta ári, frá viðskiptabönkunum til ...

Yfirtaka Björgvin G. Sigurðsson vinnur ásamt félagsmálaráðherra að lausn á íbúðalánum heimila.

Eftir Björgvin Guðmundsson [e-mail]

ÁKVEÐIÐ hefur verið að flytja erlend íbúðalán heimila, sem hafa hækkað mikið í kjölfar gengisfalls krónunnar á síðasta ári, frá viðskiptabönkunum til Íbúðalánasjóðs. Um leið verður lánunum breytt í venjuleg íslensk verðtryggð íbúðalán.

 

Í krónum talið hækkuðu erlend lán gríðarlega mikið á síðasta ári og greiðslubyrði þyngdist. Ástæðan er sú að krónan veiktist um 80% gagnvart öðrum gjaldmiðlum.

 

Samkvæmt heimildum Morgunblaðsins á hins vegar ekki að miða við gengi krónunnar í dag við þessa yfirfærslu. Viðmiðunargengið verður nálægt gengi krónunnar á þeim tíma þegar myntkörfulánin voru tekin.

 

Unnið er að þessari lausn í félagsmálaráðuneyti Jóhönnu Sigurðardóttur og viðskiptaráðuneyti Björgvins G. Sigurðssonar.

 

Gangi þetta eftir mun greiðslubyrði margra heimila léttast. Lánin lækka í krónum talið en íslenskir vextir eru hærri en víða erlendis. Ekki liggur fyrir hver kostnaður ríkissjóðs verður við þessa aðgerð.

 

Samhliða þessu er nú á lokastigi flutningur íbúðalána í viðskiptabönkunum til Íbúðalánasjóðs. Það mun ganga eftir á allra næstu vikum samkvæmt heimildum Morgunblaðsins. Guðmundur Bjarnason, framkvæmdastjóri Íbúðalánasjóðs, segir að verið sé að ganga frá reglugerð um flutninginn í félagsmálaráðuneytinu.

 

Auk viðskiptabankanna þriggja geta sparisjóðir óskað eftir að íbúðalánasöfn þeirra verði yfirtekin.

Gleðilega hátíð kæru bloggvinir

Gaman að finna fyrir því hvernig viðhorf hjá manni til daga eins og jólanna breytist eftir því sem maður eldist. Tíminn er einstakt fyrirbæri og sem betur fer fær maður að njóta hans. Margir góðir félagar hafa fallið frá á árinu og þeirra er sárt saknað. Minnigargreinar í morgunblaðinu fær okkur hjónin oft til að rifja upp þau kynni sem við höfðum á þeim sem við þekkjum og könnumst við. Þá er það göfugt að mínu mati að sá hin sami sem skrifað er um hafi á sínum lífsferli öðlast virðingu og sterkt og gott mannorð. Sama við hvern maður talar, allstaðar kemur upp sú minning að þar hafi verið persóna sem hefur verið okkur hinum til eftirbreytni, sýnt kærleik og góðmennsku. Sem betur fer á ég marga slíka góða vini og kunningja nú þegar í kringum mig og er ég einstaklega þakklátur fyrir það. Jólin er tími þar sem maður tekur sér tíma til að hugsa um sín trúarlegu gildi, hugsa til sinna ættingja og vina. Um leið og ég óska þér sem lest þetta gleðilegra jóla von ég að við eigum eftir að njóta þess tíma sem er framundan. Ræktun okkur sjálf og hugum að okkar mannorði. Gleðileg jól.

Með kærri kveðju

Halli, Bergdís og Birta Björk

 

p.s. Haldið þið að það sé gott að vera Jón Ásgeir, Hannes Smárason eða aðrir f.v. viðskiptamógúlar. Menn sem eiga mikið viðskiptavit, tengslanet og fullt af aurum, en dapurt og slæmt mannorð. Megi þeir eiga það við sig sjálfa sig. Þegar að þeirra tíma kemur og ég verð ennþá á lífi mun ég fletta fram hjá þeirra minningargrein ekki með vanvirðingu í huga, heldur áhugaleysi.