Lætur þú atkvæði þitt falla með heimilunum?

Forsendur gengis- og verðtryggðra lánasamninga eru brostnar. Ýmislegt bendir til þess að lánastofnanir hafi á undanförnum árum stuðlað með beinum hætti að óeðlilegum hækkunum á höfuðstóli gengis- og verðtryggðra lána. Slíkt hefur gerst í gegnum gengishrun krónunnar með tilheyrandi verðbólguskoti. Stjórnvöldum ber að leiðrétta tafarlaust þá eignaupptöku sem þar á sér stað.

Efnahagsvandi íslenskra heimila hlýtur að teljast alvarlegur, þegar 42% heimila eru með neikvæða eða afar takmarkaða eiginfjárstöðu (tekið er mið af fasteignamati um síðustu áramót). Verði ekki gripið til fyrirbyggjandi aðgerða er líklegt að heimilum með neikvæða eiginfjárstöðu fjölgi verulega. Um 80% heimila eru með gengis- eða verðtryggð veðlán vegna fasteigna og eru því meirihluti kjósenda. Heimilin eiga rétt á skýrum svörum um afstöðu flokkanna til lánamála þegar þau ákveða hvernig þau verja atkvæðum sínum á kjördag þann 25. apríl nk.

Hvað ætlar þinn flokkur að gera til að:

Leiðrétta gengis- og verðtryggð veðlán heimilanna?

Hvernig ætlar hann að gera það og hvenær?

Leysa brýnan vanda vegna gengistryggðra veðlána?

Hvernig ætlar hann að gera það og hvenær?

Leysa ört vaxandi vanda vegna verðtryggðra veðlána?

Hvernig ætlar hann að gera það og hvenær?

Jafna stöðu og ábyrgð milli lántakenda og lánveitenda veðlána?

Hvernig ætlar hann að gera það og hvenær?

Sjá auglýsingu

 

Skrár tengdar þessari bloggfærslu:

• hh_halfsi_a4_3_0.pdf

Athugasemdir

[Magnús Sigurðsson, 6.4.2009 kl. 09:27]

Sammála skýr svör enga moðsuðu.

[Adda Þorbjörg Sigurjónsdóttir, 7.4.2009 kl. 07:17]

Sammála. Sérstaklega þegar Seðlabankinn fær nú aðgang að tölum um laun inn á reikninga til samanburðar við þessi lán. Niðurstaðan mun ávallt verða skökk þannig að sýnir mun hærri laun en raunin er því að þarna úti er stór hópur fólks sem fær brúttó tekjur inn á reikninginn en ekki nettó. Það eru allir þeir sem eru verktakar og í sjálfstæðum rekstri og eiga svo eftir að greiða reiknað endurgjald af því sem kemur inn. Aðrir sem eru launþegar fá nettó launin inn á reikninginn.