Kapítalistinn er hægt og rólega að breytast í kommúnista

Ert þú á leiðinni til Ameríku? Á eftirfarandi vefsíðu er að finna það allra nýjasta í skilyrðum innflytjendastofnun Bandaríkjanna: http://www.cbp.gov/xp/cgov/newsroom/fact_sheets/travel/esta_factsheet.xml

Að auki mega þeir opna allar tölvur, fara í alla minniskubba og skoða innihald allra tölvugagna sem koma inn í landið. Ef þetta er ekki í anda kommúnista þá vinsamlegast leiðréttið mig. Ég var við nám í bandaríkjunum í 5 ára, á góða vini í Bandaríkunum og nána ættingja en ég get ekki annað en fengið nóg af þessari vitleysu og þvælu sem vellur frá þeim þessa daganna. Skrýtið hversu skaddaðir Bandaríkjamenn eru orðnir í stjórnsýslu og skoðunum þeirra. Síðan er undarlegt hversu mikið frjálsræði vellur frá Kínverjum og Rússum. Getur verið að þeir séu að breytast í kapítalista?

Siðgæði er byltingakennd hugmynd

...byltingarkenndari en hugmyndir sósíalista og nokurra annara. Því ef menn hafa vald geta þau notað það til að mæta þörfum samfélagsins. Auðvaldið og frjálslyndir talar sífellt um val. En til þess að eiga val þarf maður að hafa frelsi til að velja. Skuldum vafið fók á ekkert val. Það virðist vera okkar kerfi í hag að vinnandid fólk sé skuldugt. Skuldugt fólk er vondauft og mætir ekki á kjörstað. Við segjum að allir eigi að kjósa og ef fátækir mundu kjósa þá sem bera hag þeirra fyrir brjósti mundi það valda sannri lýðræðislegri bytlingu. Það ilja pólítíkusar ekk,i því þeir halda að það sé betra að fólk sé vondautt og svartsýnt. Það eru tvær leiðir til að stjórna fólki. Það er að hræða það eða og lama siðferðisþrek þeirra, Það er einfaldlega erfiðara að stjórna menntaðri og heilbrigðri og sjálfsöruggari þjóð, Ég held að sumir hafi velt þessu fyrir sér (Dabbi?). Við viljum í raun ekki að fólk sé menntað, heilbrigt og sjáfsöruggt, því það myndi ekki láta að stjórn. 1% manna í heiminum á 80% auðsins í heiminum. Það er ótrúleg staðreynd. Mörg okkar eru fátæk, niðurbrotin og hrædd og þess vegna höldum við að það sé öruggara að taka við skipunum og vona það besta.
Það er furðulegt að sjálfstæðismaður eins og ég tali svona tungum. En þessi orð hafa rólega gert mér grein fyrir að kapitalsimsinnn er hinn sterkasti kommúnisti samtímans á meðan versti kommi t.d (Ólafur Ragnar) er í raun mesti kapítalisti. Nú þegar kreppann er rétt að hefjast borgar sig að spyrja, hlusta, og meta manngæsku, einlægni þeirra manna sem hafa kosið sér þann stall að hafa vit fyrir lýðinn. Áfram gott fólk.

Kveðja
Sjálfstæðismaðurinn úr Garðabænum
Halli rauði

Laxveiðistofn íslands helst í hendur við stofn Kríunnar

Sem laxveiðileiðsögumaður í 12 ár fullyrði ég að það sé beint samhengi milli stofn fuglsins Kríunnar og endurheimtun laxaseiða til síns uppruna. Þeir sem stunda laxveiði vita hvað ég er að tala um. Kría stundar veiðar 24/7 allt sumarið, fram á haust og týna upp laxaseiði úr ám íslands í milljónatali.
Fyrir 3 árum var hnignun í Kríustofninum og þá þremur árum seinna varð aukning endurheimtun laxa (2008).
Þetta er viðhorf hlýtur að vera þess virði að viðeigndi hagsmunaraðilar rannsaki gaumgæfulega.

Sumarblogg í kreppunni

Við fjölskyldan keyptum okkur ferð til Portugal í Janúar og fórum síðan út fyrir mánuði í þetta sérdeilis ljómandi sumarfrí. Góður matur og góð hvíld. Hinsvegar skyggði á ferðina verðlag og uppihaldskostnaður en hann er nú jafn því sem gerist hér á (okur)landi. Þá er spurningin hvernig ég hefði bloggað um þetta hefði ég verið vanur því að hugsa í EVRU umhverfi og fengið mín laun í evrum. Ætli upplifunin hefði verið sú sama? Hugsið ykkur dæmði í rauninni! Nú skulum við myndgera svolítið: Ímyndaðu þér borg með 2 milljón manns. Sá fjöldi rammast inn í kassa landfræðilega og kallast X-borg. Út frá X-Borg eru 5 angar með 300.000 manns í hverjum anga. Samtals telur X borg með útvherfunum fimm 3,5 milljón íbúa. Slíkar einingar eru mjög víða um heiminn. Þá skulum við taka einn af þessum 300.000 manna einingum úr dæminu og hugsa hann til hlítar. Látum hann hafa sjálfstæði, eigin mynt, 5 einkarekna banka, flugfélög, forseta og allt íslenska bullið. Ísland er í þessari stöðu. Það er mín trú að við einangrumst gagnvart evrópu ef við tökum ekki skrefið í átt að sameiningu við stærri þjóðir án þess að missa sjálfstæði. Eins og við högum okkur í dag er staðan nálægt því að vera brjálæði. Í haust verður kreppa nr. 2 og fjöldauppsagnir og brjálæðisútsölur í brenidepli, svona eins og heimsendir sé á næsta leiti. Þá spyrja menn upp á nýtt hvað sé hægt að gera ti að minnka þessar sveiflur og jafna út álagið? Mitt svar er einfalt. Stjórnmálamenn verða að hugsa stórt - Hugsa langt fram í tímann (100-200 ár) - Trúa á einstaklinginn (enga forsjáhyggju).

Nú er búið að bólusetja krónuna. Hið nýja Skandinavíska samband..

Jæja..þá tókst Seðlabankanum að bólusetja krónuna með sínum aðgerðum í dag. Þá er spurning hvort við fáum hita eða hvort þetta blessist. En þó svo að viss leiðrétting hafi verið á mörkuðum í dag þurfum við að hugsa stórt, hugsa langt fram í framtíðanna.  Ég er með smá hugmynd: Hvernig væri að Finnland, Svíþjóð, Danmörk, Noregur, Ísland, Færeyjar og Grænland myndu sameinast í Skandinavíska Efnahagsbandalagið þar sem við hefðum öll sama gjaldmiðilinn, Skandinavísku krónuna. Láta Skandinavíska andann sameinast og víkingagenin taka saman höndum til að mæta heimavörnum, kreppu og atvinnuleysi. Noregur og Ísland héldi sinni leiðsögu, Færeyjar sinni sem og Grænland. Fríverslun á milli ríkjanna. Afnema alla ríkisstyrki í öllum löndunum og leyfa allan annan innflutning utan Skandinavíska sambandsins eins lengi og þau lönd veiti ekki ríkisstyrki. Skandinavíska sambandið mundi setja upp paradísarveröld þeirra sem eru á eftirlaunaaldri, staðsetja það í suður Danmörku. Komið þessari hugmynd til Geira og Dabba...sjáum hvað þeir geti gert fyrir okkur.

Hver man eftir Kerlingarfjöllum og Land Rover

Nú er Land Rover 60 ára og mikið um dýrðir. Ég get ekki varist því að hugsa til gömlu góða daga þegar ég, mamma, pabbi og Inga systir fórum í Kerlingarfjöll að skerpa á skíðahæfileikum. Þeir sem upplifðu þessa tíma geta ekki gleymt þeim. Hver getur gleymt Eyfa og starfsfólkinu í fjöllunum. Þarna var einfaldlega mögnuð stemning í gamla daga. Ég get ekki gleymt því þegar okkur var smalað í Land Rover til að fara upp í fjall. Þá var sett í fyrsta gír og rólega dólað upp, hægt og örugglega. Tilfinningin að sitja þarna aftur í var engu lík og eitthvað sem ég aldrei gleymi.

http://www.visir.is/article/20080430/FRETTIR05/471024030

 

Útlendingarnir eru mættir til að syngja fyrir okkur!

Góð fyrirsögn getur skipt öllu og ef hún nær þér inn í texta eins og þú ert að lesa núna þá er fyrsta markmiði náð. Athyglinni. Það sem ég vildi hinsvegar segja er að ég heyrði í lóunni úti í móa nú í morgnuns-árið. Það fyrsta sem ég hugsaði var hvort Lóan væri íslenskur fugl eða útlenskur fugl, ekki að það skipti neinu máli en gaman að pæla í því. Í mínum huga er íslensk sumar ekki til án lóunnar eða hrossagauksins. Þessir fuglar eiga mikinn rétt á því að koma til íslands á sama hátt mega þeir fara héðan á haustmánuðum. En þegar ég hugsa betur þá eru þeir með íslenskt vegabréf þar sem þeir eru fæddir á íslandi, þannig að allir sem eiga íslenskt vegabréf eru íslendingar.

Hvað sem þeirri pælingu líður, þá er það mögnuð tilfinning sem fer um mann þegar maður heyrir þennan yndislega söng.

Iceland, a Tiny Dynamo, Loses Steam - Grein í New York times frá því í dag

Höfum við misst móðinn? Í þessari grein sem birt er í dag á vefsíðu New York Times er góð umfjöllun um efnhagsástandið á íslandi. Eftir að lesa greinina er greinilegt að vandinn sem við almenningur stöndum fyrir er svolítið langt frá því að vera okkar neyslu brjálæði að kenna. Lesið þið þessa grein og sjáið hversu vandinn er í raun djúpur.

http://www.nytimes.com/2008/04/18/business/worldbusiness/18iceland.html?pagewanted=1&ei=5070&en=1be3ce83446a37d0&ex=1209182400&emc=eta1

 

 

Fjórhjólaklúbbur fjórhjólaeigenda

Eitt af þeim sportum sem einstaklingar á besta aldri hafa uppgötvað eru fjórhjólaferðir. Vinsælast eru dagsferðir þegar veðrið er hvað fallegast en einnig lengri helgarferðir. Það besta við fjórhjólin er að það er hægt að fá þau tveggja manna þannig að hjón geta ferðast saman. Sumir snjósleða eigendur hafa bætt þessu við í dótakassann þar sem hjólin er hægt að nota allt árið um kring. Ég fór í gær upp á litlu kaffistofu með hjólið mitt. Var lagður af stað með nesti og góða skó kl 11:00 og kominn til baka kl. 15:00. Veðrið magnað og færið ágætt, snjórinn svolítið þungur en þá var bara að fljóta. Mætti fjölmörgum félögum á leiðinni og áttu allir það sameiginlegt að nýta þennan fallega dag eins vel og mögulegt. Ekki er til neinn formlegur klúbbur eins og jeppaklúbbar en ég hvet einhvern framtakssaman til þess að skella slíku í gang svo að menn geta krunkað sér saman í ferðir. Þeir sem eru á www.facebook.comgeta skráð sig á klúbb sem ég setti saman þar en linkurinn er: http://www.facebook.com/group.php?gid=13067801769 

Að innleysa gengishagnað

 Allt í einu skríða fram einstaklingar, fyrirtæki og fjárfestingafélög úr hýði sínu eftir góða vetrarlegu. Þeir eru nú farnir að selja gjaldeyrinn sinn. Allir dollararnir sem keyptir voru á 59, evran á 89. Getur verið að bankarnir eða félög í eigu bankana séu með slíkan gjaldeyrisforða? Getur verið að við komum til með að sjá stjarnfræðilegan hagnað hingað og þangað eða verður bið á því?

Íslensku bankarnir að koma inn úr kuldanum