Skopmynd af Múhameð spámanni...hver er heilbrigð afstaða?

Eitt er hægt að ræða endalaust, trú og afstaða til trúmála. Ég þykist vita að stærsti hluti íslendinga stundi ekki kirkju reglulega (ég er þarna ekki saklaus), þó erum við flest skýrð og fermd. Við teljum okkur trúa á ærðri mátt þegar við erum spurð. Tákn þessarar æðri máttur í kristinni trú er nokkuð skýr. Í Múslima ríkjum er það líka nokkuð skýrt. Það getur verið sárt fyrir trúaðan mann að það sé gert grín að táknmynd trúarinnar, hvað þá að skella sprengju á mannsmynd sem tákn Múhameðs, semsagt tákn hryðjuverkamannsins vestrænna þjóða eins og gert var í Jótlandspósti. Það getur verið sárt fyrir þá sem trúa innilega að sjá slíka skopmynd án þess að nokkur orð fylgi. Mitt álit á þessum gjörðum Jótlandspósts er að þar sé verið að gera jafnmikla árás á tjáningarfrelsi almenns borgara og á þá einstaklinga sem eru Múslimatrúa. En sá sem teiknaði skopmyndina er í fullum rétti að teikna það sem hann vill, en fjölmiðlar bera samfélagslega skildu eins og við öll sem einstaklingar og verða að passa hvað þeir segja. Megum við segja og gera allt sem okkur dettur í hug? Nei. Það megum við ekki. Hvað er það sem á að stoppa okkur? Ekki einhver löggjöf heldur heilbrigð skynsemi og virðing gangvart þeim náunga sem þú talar við, hvar sem þú ert í heiminum og á hvaða vetfangi sem er. Þess vegna tel ég að heilbrigð afstaða sé að fordæma þessa skopmynd með það að rökum að þeir sömu taka ekki tillit til þeirra sem trúa, trúa á æðri mátt Múhameð heldur sýni þeim vanvirðingu. Það er vel hægt að skilja að sumt fólk taki þessu sem móðgun. Hinsvegar má skrifa endalaust um hvernig skal bregðast á skynsaman hátt við slíkri móðgun, en það er ekki rót vandamálsins.

Þetta er bara mín afstaða á þessu fallega miðvikudagskvöldi. 

Sjá hlekk um sambærilega umfjöllun: 

http://www.eoe.is/gamalt/2006/01/31/10.13.56/#c29862

Athugasemdir

[Georg P Sveinbjörnsson, 12.3.2008 kl. 23:40]

Sammála, góð grein.