Árið 2047 eru leikskólabörn að gera áætlanir fyrir þjóðina

Leikskólann í forgang

 

Nú er svo komið að ég þekki vel til þessa einkarekna leikskóla sem Bryndís vitnar í. Þannig er að starfsfólkið er hreinlega að bugast og keyrir sig áfram á samviskunni einni saman. Þreytan er svakaleg.

Að fá fólk í vinnu sem er með að meðaltali 150.000 þús í laun gerir það að verkum að sumir hverjir nenna ekki að mæta vegna kulnun í starfi og lágra launa. Í fréttum heyrði ég að sumt starfsfólk mætir ekki í vinnu, lætur engan vita og því er alveg sama. Þegar það er hringt í það er það farið að vinna í annarri vinnu fyrir sömu laun og minna álag. Á meðan er faglært fólk á leikskólunum að keyra sig út andlega að láta hlutina ganga upp samviskunnar vegna. Þetta faglærða fólk brennur út og kulnar alveg eins og aðrir. Vandamálið er þannig að þeir sem ekki eru í kringum leikskólana eða hafa börn á leikskólanum gera sér engan veginn grein fyrir aðstæðum. Kæru foreldrar.....við verðum að styðja við það fólk sem leggur sinn tíma og sál í þessi störf. Í alvörunni.