Jóhanna f.v. félagsmálaráðherra ætlar að bugast!

Nú er nokkuð ljóst á talsmáta Jóhönnu og Steingríms að þessi nýja félagshyggju, norræna samfélags stjórn ætlar ekki að hlusta á fólkið í landinu heldur láta forsvarsmenn lífeyrissjóðanna ráða bættum hag heimilanna. Þá á ég við að forsvarsmenn ASÍ og vinnumarkaðarins hafa fengið loforð um að það verði þeir aðilar sem koma til með að spila með hag heimilanna Hinsvegar vitum við að þeir menn hafa bein hagsmunatengsl við lífeyrissjóðina. Haldið þið að þeir menn sem ætla að semja fyrir okkur öll munu minnast á niðurfellingu verðtryggingu. Haldið þið að forsvarsmenn ASÍ gefi sig alla fram í það að leiðrétta höfuðstól íbúðarlána eða endurreikna gjaldeyrislán íbúða? Nei, þeir semja um launahækkun sem um nemur einni 12 tommu pitsu á mánuði. Við fáum 20 mínútur lengur í kaffi og 1/2 dag aukalega í orlof eftir 10 ára starf. Jóhanna segir það blákalt að hún mun ekki hlusta á samtök eins og Hagsmunasamtök Heimilanna sem eru skipuð af einu færustu sérfræðingum í endurreisn fjármála fyrir heimilin í landinu. Þess í stað eyðir hún löngum bunum í það að fara verja bankanna, þá sem settu okkur á þann stað sem við erum í dag. Gerið þið ykkur grein fyrir að langflestir þeirra sem störfuðu í bönkunum þegar sukkið var skipulagt eru ennþá í bönkunum. Forsvarsmaður greiningardeildar Íslandsbanka, gamla Glitnis starfar enn á sama vettvangi. Sá sami og sagði í fjölmiðlum skömmu fyrir hrun að það þyrfti að lána meira fé til fólksins í landinu. Nú þegar allt er í kalda kolum ætlar Jóhanna og Steingrímur að fara í vasa okkar og láta okkur greiða brúsann um leið og ALLIR fyrirtækjaeigendur lækka laun síns fólks vegna aðstæðna. Svona aðferðafræði hefði Stalín líkað vel!

Lesið hvað hún sagði hér á árum áður:

http://www.althingi.is/johanna/greinar/safn/000017.shtml 

Hér er líka áhugavert myndband:http://www.pbs.org/moyers/journal/05082009/watch.html

Hagsmunasamtök Heimilanna áttu engan þátt í mótmælum dagsins!!!

Vegna orða Jóhönnu Sigurðardóttur í frétt Mbl.is, þá vilja Hagsmunasamtök heimilanna taka fram að enginn talsmaður Hagsmunasamtaka heimilanna eða aðili með umboð samtakanna var á fundi fulltrúa Nýrra tíma með Jóhönnu Sigurðardóttur og Steingrími J. Sigfússyni í dag.  Vilji þau ræða við Hagsmunasamtökin þá verður það ekki í gegnum mótmælaaðgerðir eins og í dag, heldur á fyrirfram skipulögðum fundi.  Hagsmunasamtökin hafa lagt sig fram um fagleg og vel undirbúin vinnubrögð.  Kaffiboð með nokkurra mínútna fyrirvara fellur ekki undir það.

Stjórn Hagsmunasamtaka heimilanna er tilbúin að hitta forsætisráðherra og fjármálaráðherra hvenær sem er.  Við höfum þegar átt fund með mörgum aðilum, m.a. ráðuneytisstjóra fjármálaráðuneytisins, og eigum fulltrúa í undirnefnd Velferðarvaktarinnar.  Viljum við því koma þeim skilaboðum til forsætisráðherra og fjármálaráðherra að nefna þann tíma sem þeim hentar að hitta okkur og við munum ekki láta bíða eftir okkur.

Við hörmum að forsætisráðherra hafi þann skilning að fulltrúar Nýrra tíma hafi verið talsmenn Hagsmunasamtaka heimilanna.

Fyrir hönd Hagsmunasamtaka heimilanna

Þórður B. Sigurðsson, formaður

Hver sendi mér þessa górillu?

Þakka ykkur fyrir að tjá ykkur hér á minni bloggsíðu um hagsmunarmál heimilanna. Það er mikilvægt að við höldum ró okkar og beygjum viljann undir rödd skynseminnar. Vandamálið varð til vegna aðstæðna sem eru liðnar. Framtíðin liggur fyrir okkur. Skaðvaldur þessara afleiðinga voru ekki neyslu peningar almennings, það vita flestir sem kunna að reikna.

Hvað skal gera? Setja heimilin á hausinn eða bjarga þeim?

Smá dæmisaga til gamans; Ég hef hugsað aðstæður þannig að á sínum tíma keypti ég lítinn apa.

Ég gaf honum að borða á hverjum degi og allir á heimilinnu voru sáttir. Einn góðan veðurdag var apinn horfinn. Um næstu mánaðamót var mér tilkynnt að menn út í bæ hefðu tekið apann minn og ég mun aldrei fá hann aftur.

Hinsvegar var verið að koma með stóra og mikla górillu til mín í staðinn. Skilaboðim sem fylgdu górillunni voru; ef þú getur ekki gefið henni að borða og hugsað eins vel um hana og þú gerðir við litla sæta apann þá mun górillan éta þig og þitt heimili.

Þú ræður! Annað hvort gerir þú þetta eða þú munt verða étinn af górillunni okkar.

Ég spyr, hvaðan kom þessi górilla. Ekki bað ég um hana með neinni undirskrift? Hvar er litli sæti apinn minn? Hvernig gat einhver aðili úti í bæ rænt litla sæta apanum mínum sent í staðin þessa ógurlegu górillu? Hver gaf honum leyfi til þess?

Slíkar myndlíkingar hjálpa manni að skilja að fasteignalán hækkuðu úr fáum krónum í fjölda króna á mjög skömmum tíma. Sumt í heiminum er rangt, sumt rétt. Þetta er rangt!  

Þetta snýst ekki um að eiga fyrir afborgunum!

Gylfi Viðskiptaráðherra og sumir aðrir ætla einfaldlega ekki að skilja það að aðgerðir stjórnvalda eiga ekki að snúa að því hvernig fólk eigi að ná endum saman um hver mánaðarmót og þá aðeins til 6 mánaða í einu í samráði við sinn viðskiptabanka. Þetta snýst um að höfuðstóll vertryggðra og gengistryggðra íbúðarlána er rangur og allt of hár. Þennan höfuðstól þarf að lækka. Verðtryggð lán eru og voru ólögleg og þurfa að endurreiknast á hefðbundin hátt. Bílalán í erlendri mynt voru líka ólögleg og verða að leiðréttast. Um þetta snúast þær aðgerðir sem heimilin í landinu þurfa. PUNKTUR.

Ég ætla að vona að Hagsmunasamtök Heimilanna og við öll förum nú hvað á hverju að sameinast og láta almennilega í okkur heyra á næstunni með alvöru aðgerðum. Ef svo verður bið ég þess innilega að við öll sem eitt tökum þátt í þeim aðgerðum!

Starfsmenn bankanna gáttaðir á hversu lítið er gert fyrir heimilin!

Eftir að hafa skrifað undir skuldbreytingar á íbúðarlánum þar sem lengt var í hengingarólinni barst tal almennt að úrræðum bankanna til heimilanna. Sem þjónustustjóri bankans fullyrti hann að það væri ekkert annað en sorglegt að sjá hversu lítið er gert fyrir trausta viðskiptavini sem eru kominir í greiðsluþrot og ná ekki endum saman. "Frá því að hrunið varð opinberlegt hefur ekkert gerst nýtt sem ekki var gert fyrir hrun og skiptir sköpum fyrir heimilin". Möguleikarnir eru fáir sem engir og fólk sem alltaf hefur staðið í skilum fá einungis skammtíma úrlausnir. Það sorglega er að bankarnir eru í raun að græða á úrræðaleysi fjölskyldna og hlægja að okkur. Hvernig get ég fullyrt svona? Jú, lesið eftirfarandi samantekt frá manni sem heitir Jón Reynir Vilhjálmsson sem er byggð á staðreyndum en ekki pólitísku eða hagfræðilegu spámensku blaðri;

Á síðustu vikum hafa greiðsluerfiðleikar heimilanna v. myntkörfulána
til húsnæðiskaupa verið mikið til umræðu.

Í framhaldi af þessari umræðu  er  hér greining á  myntkörfuláni  og
sundurliðun afborgana, en ekki er allt sem sýnist í þeim efnum.

Myntkörfulán er byggt upp af einni eða fleiri myntum, algeng
samsetning er t.d 50%japanskt yen (JPY) og 50% svissneskur franki
(CHF) sem við tökum hér sem dæmi.

Vextir myntkörfulána ávarðast af millibankavöxtum sem eru nefndir
Libor-vextir (London Interbank Offered Rate) og vaxtaálagi viðkomandi
lánastofnunar ofáná libor-vextina.
Libor-vextir eru síðan breytilegir dag frá degi.

Á árunum 2004-2007 voru íslenskir bankar að fá lán erlendis frá á
Libor-vöxtum + 0.2%  (20punkta álag).  Algengt var að íslensku
bankarnir lánuðu síðan út á Libor-vöxtum + 1.7% - 4.0% vaxtaálagi en
það var breytilegt eftir veðsetningarhlutfalli og einnig breytilegt á
milli banka.

Við tökum hér dæmi um mánaðarlegar afborganir af 20 Miljóna kr. láni
með 2.4% vaxtaálagi banka.  Af láninu var fyrst greitt af 1.12.2006.

Lán 40 ár1.12.2006
Upphæð/Staða20,000,000 kr.
Greiðsla af Libor-vöxtum19,250 kr.
Greiðsla af vaxtaálagi banka40,000 kr.
Greiðsla af höfuðstól41,667 kr.
Samtals100,917 kr.

Hér var greitt 100,917 kr. af láninu, þóknun bankans 2.4% eða 40,000Kr.

Við skulum skoða samsetningu afborgunar af sama láni 01.04.2009, en
það hefur hækkað í tæpar 40 miljónir v. gengisfalls krónunnar

Lán 40 ár1.4.2009
Upphæð/Staða39,966,985 kr.
Greiðsla af Libor-vöxtum10,824 kr.
Greiðsla af vaxtaálagi banka79,934 kr.
Greiðsla af höfuðstól83,265 kr.
Samtals174,023 kr.

Hér var geitt 174,023kr af láninu, þóknun  bankans  2.4% eða 79,934 Kr.
Hér hafa libor-vextir lækkað en mjög stór hluti af afborgunni er að
fara í vaxtaálag til bankans sem hefur hækkað næstum um 100% í krónum
talið.

Bankinn er að hagnast griðalega á gengisfalli krónunnar!

Til hjálpar hafa bankarnir verið svo greiðviknir að frysta höfuðstól
þannig að það þurfi aðeins að greiða vexti um sinn.  Tökum þannig dæmi
fyrir afborgun 1.4.2009.

Lán 40 ár1.4.2009
Upphæð/Staða39,966,985 kr.
Greiðsla af Libor-vöxtum10,824 kr.
Greiðsla af vaxtaálagi banka79,934 kr.
Greiðsla af höfuðstól0 kr.
Samtals90,758 kr.

Hér var greitt 90,758 af frystu láninu.  Það er athyglivert að í
afborguninni á frystu láni þar sem aðeins eru greiddir vextir 1.4.2009
eru aðeins 10.824 kr. að fara í libor-vextina, 79.934kr fara í vaxtálag
til bankans sem dugar næstu fyrir höfuðstólsgreiðslunni! (Kannski ekki
skrýtið að bankinn geti boðið þetta)

Tökum  dæmi um ámóta lán tekið  í Finnlandi fyrir 3 árum.  Það er eins
byggt upp þ.e. libor-vextir + vaxtaálag banka.  En það er athyglivert
að vaxtaálag bankans þar er aðeins 0.35%

 Hér er  dæmi um hvernig þetta liti út ef vaxtaálagið væri það sama og
í Finnska bankanum 0.35%.

Lán 40 ár - Finnland 1.4.2009
Upphæð/Staða39,966,985 kr.
Greiðsla af Libor-vöxtum10,824 kr.
Greiðsla af vaxtaálagi banka11,657 kr.
Greiðsla af höfuðstól83,265 kr.
Samtals105,746 kr.

Hér er þóknun bankans 0.35% eða aðeins 11,657Kr.   í stað 79.934 miðað
við 2.4% álag.

Hér kemur yfirlit á sundurliðun mánaðarlegra afborgana og samanburður á
ef lánið hefði verið tekið í Finnlandi á sama tíma.

Niðurstaðan er að myntkörfulán eru ekki vandamálið heldur óeðlilegt
vaxtaálag íslenskra banka ofan á Libor-vexti.  Af hverju þurftu
íslenskir bankar 1.7% - 4% vaxtaálag á meðan Finnsku bankarnir þurftu
aðeins 0.35%.

Íslenskur bankarnir fengu þessi lán með Libor-vöxtum + 0.2%  (20punkta
álag) eins og þeir Finnsku!

Í dag er verið að bjóða upp á kosti til hjálpar fólki í
greiðsluerfiðleikum.  Allir þeir kostir ganga útá að greiðslur lækki
en á móti að lánin lengist.

Einfalt kerfi til hjálpar lántakendum:
Til að koma á móts við lántakendur ættu bankarnir að lækka  vexti um
1.2 - 2% sem yrðu þá sambærilegir í öðrum löndum. Ríkið ætti að vera í
aðstöðu til þess að kom því í framkvæmd þar sem það hefur yfirtekið
flesta íslenska banka.

Sömu vaxtalækkun mætti nota á vexti íslenskra vísitölutengdra lána, það
myndi lækka greiðslurnar af þeim  verulega til lengri tíma litið.

Kveðja
Jón Reynir Vilhjálmsson

 

 

Búið og gert - nú þarf að láta hendur standa fram úr ermum! Ekkert droll!

Þá er þessum kosningum lokið og nýir tímar framundan. Nú reynir á að þingliðið vinni hratt og vel. Skerða þarf sumarfrí þingmanna til að geta klárað dæmið. Heimilin öskra á hjálp og réttlæti.  Vörur og þjónusta hefur hækkað á sama tíma og launþegar hafa þurft að taka á sig tekjuskerðingu.

Einnig hefur fasteignaverð lækkað og mun lækka meira á meðan lánin hækka.

Hagur fjölskyldna og fólks í landinu er hrikalegur. Leiðrétting á höfuðstól er forgangsatriði ásamt niðurfelling verðtrygginga. Ef það er ekki mögulegt að mati nýrrar stjórnar þarf að verðtryggja laun strax. Gengistryggð lán þurfa að færsta yfir í íslenskar krónur miðaða við það gengi sem lánin voru tekin og endurreiknuð út frá hefðbundnum hætti. Þannig geta heimilin tekist á við íbúðarlánin sín og lagað sína stöðu gangvart bílalánum. Þannig geta heimilin haldið áfram að berjast.

Lög um vaxtaþak verðtryggðra lána verður að klára og hafa hámark 2%. Óverðtryggð íbúðarlán aldrei meiri en 2% umfram verðbólgu.

Íslensku krónuna verðum við að losa okkur við, því miður. Árið 1912 var ein ísl. króna = ein dönsk. Árið 1981 var síðan gengisfelling því þá var illt í efni og gengisfelling ákveðin, staðan var 20 ísl króna = ca. 1 dönsk. Þannig eftir gengisfellingu 1981 varð 1 ísl. króna = 1 dönsk.

Í dag, enn á ný er 23 ísl. króna = 1 dönsk. Hvað á þá að gera? Íslensk króna er og verður aldrei gjaldmiðill til framtíðar.Hvort sem við þurfum ESB aðild eða ekki, þá þarf einfaldlega að skipta um mynt.

Vextir eru að drepa mörg fyrirtæki og þá þarf að laga á morgun!

Eins og ég segi eru málefnin mörg og þola enga bið!

Hefði mátt fara öðruvísi - en úrslitin nokkuð góð.

Sjálfstæðismenn bjuggust við falli en miðað við þær árásir og umfjöllun um flokkinn þykir mér niðurstaða þeirra ásættnaleg. Að sjá Framsókn og Borgaraflokkinn svona öfluga er bara gleðiefni. Gaman verður að fá Guðmund Steingríms upp í pontu og treysti ég á að hann glati ekki húmornum. Ef vinstri grænir og Samfylking hefði einhvern tíma átt að vinna STÓRSIGUR þá var það í þessum kosningum, en að mínu mati gerðist það ekki. Það er hinsvegar dapurt að Sjálfstæðisflokkurinn þurfi að hafa Árna Johnsen þarna inni. Þá vona ég að Framsókn standi sterkur og berjist fyrir sínum málum.

Hinsvegar er forgangsmál að ganga að lækkun vaxta, hjálpa heimilunum og láta hendur standa fram úr ermum.

Má segja að þetta verður áhugavert kjörtímabil.

Kjósum fyrir hagsmunum heimilanna!

Nú er komið að stórum degi þar sem örlög fjölmargra heimila ráðast. Mikið ósköp vona ég að sem flestir hugsi sig vel um og kjósi ekki "sinn" flokk að gömlum vana. Kostirnir snúast einnig um að að byggja upp flokka á þingi sem hefur ekki endilega sterkan meirihluta heldur einnig flokka sem sem gegna oddastöðu. Skoðanakannanir benda til þess að Samfylkingin fái góðan stuðning sem og Vinstri Grænir. Ef það verður lendingin eftir þetta allt saman vona ég að þeir haldi ekki sínu striki gangvart svokölluðum greiðsluaðlögunum fyrir heimilin í landinu sem er ekkert annað en framlenging á vandamálum þó svo að endar komi til með að nást saman um hver mánaðarmót yfir eitthvert tímabil. Það er skylda þeirra sem koma til með að stjórna landinu að koma með lausn til framtíðar. Slíkar aðgerðir koma þannig til með að hafa áhrif á væntingarvísitölu sem eru okkur öllum til góða. Ég hvet þig til þess að slást í hópinn hjá Hagsmunasamtökum Heimilanna, www.heimilin.is,  þar sem málefnin eru í fyrirúmi og færustu sérfræðingar á hverju sviði  meta lagagildi aðgerða lánveitanda og leggja mat á þeim lausnum sem koma fram að hálfu stjórnvalda hverju sinni.

Kjósum fyrir hag heimilanna, það kemur okkur öllum til góða.

Kjóstu rétt, ekki skila auðu!!!

Vaknaði með ekkert höfuðleður!

Það er ein af óþægilegustu upplifunum að eiga slæma drauma og vakna skelfingu lostin. En sem betur fer bráðnar örvænting slíkra drauma fljótt af manni. Hinsvegar virðist svo sem að einskonar öðruvísi tilfinning vera þegar maður sér hálfgerða martröð nálgast mann hægt og rólega, og það með fullri meðvitund. Heimilin í landinu öskra á réttlæti. Samkvæmt orðum Samfylkingar og Vinstri grænna er hagur heimila ekki í forgang á næsta kjörtímabili heldur niðurskurður og innganga í ESB. Hagsmunasamtök Heimilanna eru og munu berjast fyrir hag heimilanna og þar er mikilvægasti þátturinn réttur til þess að eignast fasteign. Næstu málefni snúast að bílalánum, lægra verði á matvælum og að öðrum mikilvægum og þungum útgjöldum heimilanna. Við höfum tæpan sólahring til að ákveða okkur og tel ég mikilvægast að við skilum ekki auðu.

Vonandi dreymir okkur vel í nótt!

Fólkið sem sukkaði í góðærinu..

...var ein af fyrirspurnum á þeim borgarafundi sem var í beinni í kvöld á Rúv. Spurningunni var beint að framsókn. Þá var spurt hvort þessi 20% niðurfelling (leiðrétting) á höfuðstól íbúðarlána sé ekki bara aðgerð til þess sköpuð til þess að hjálpa fólkinu sem "sukkaði" í góðærinu. Þá er spurning hvort ung hjón sem fengu 80% lán í erlendri mynt fyrir sinni fyrstu íbúð í janúar (áttu 3.000.000 í sparifé) og eru nú í þeirri stöðu að lánið hefur tvöfaldast vegna óreiðu og brjálæðis á lánveitanda í landinu að það sé "fólk sem sukkaði í góðærinu"? Hún spyr hvaðan þeir aurar eiga að koma? Þá er best að spyrja; hvaðan komu peningarnir sem hækkuðu höfuðstól verðtryggðra og erlendra íbúðarlána? Er ekki best að skila þeim peningum þaðan sem þeir komu og heimta leiðréttingu? Er fólk ekki að ná því að hækkun á höfuðstól er ósanngjarn á alla kanta og gervi peningur.

Það var líka ósanngjarnt að fólk tapaði milljónum á sparnaði við bankahrunið en gleymum því ekki að réttur til þess að geta átt heimili er eitt af grundavallaratriðum samfélagsins því er það hagsmunarmál allar heimila að krefjast frekari jafnvægis milli lántaka (heimilin) og lánveitanda (bankanna).

Þannig tel ég ekki óeðlilegt að það séu sett lög að lánveitendur sem kjósa að lána með verðtryggingu mega ekki hafa yfir 2% vexti. Annað er rán. Hinsvegar geta bankar lánað (selt) pening á hvaða verði sem er án verðtryggingar.

Svona til gamans þá er Rússnenska mafían þekkt í sínu landi fyrir okulánastarfsemi og samkvæmt þeim sem til þess þekkja er vextirnir 17%, óverðtryggðir :-)

Kjósum leiðréttingu á lánum. Hugum að taka upp alþjóðlegan gjaldeyri. Hugum að því að koma hjólum viðskiptalífsins í gang og náum þannig fram auka tekjum. Sem dæmi þá er eðlileg endurnýjun á bílaflota íslendinga á milli 6000 til 10.000 nýir bílar á ári. Vegna óttans og aðstæðna er líklegt að í ár munu seljast ca. 1500-2000 bílar. Þarna vantar upp á mikið magn. Af hverjum bíl sem selst á ca. kr. 2.300.000 fáum við í ríkisjóð rúmar kr. 900.000 í tollum og gjöldum. Margfaldið 5000 bíla með 900.000 og milljarðarnir eru nálægt fimm. Þá er ég líka að reikna ódýran bíl miðað við gengi dagsins.

Hvað sem þessi líður þá eru aðstæður nú jafnóeðlilegar og þær voru í "góðærinu". Við þurfum stöðugleika og jafnvægi í neyslu og efnahagskerfið. Annars er ekki hægt að búa á landinu til lengdar.