Landsbankinn ætlar að halda eftir 47% og segir sussssssss.

Þar sem ég er einn af mörgun illa gefnum íslendingum sem lét glepjast að því að fjármagna húsnæði með erlendu láni fannst mér áhugavert að Nýji Landsbankinn ætlaði nú að viðurkenna að lánasafn hans hafi verið fært á 47% afslætti, eða svokallað raunvirði þess vera 53%. Þannig geta þeir nú hafist handa við að leiðrétta höfuðstól þessara lána, eitthvað sem var ALLS ekki mögulegt fyrir nokkrum vikum vegna KOSTNAÐAR. Hvað hefur gerst? Sannleikinn er allur að koma í ljós. Á mannamáli, þá hafa kröfuhafar Gamla Landsbankans gefið eftir þegar lánasöfn voru færð frá gamla Landsbankanum yfir í þann nýja. Þá er það í valdi ríkisbankanna okkar að færa áfram þessa leiðréttingu alla leið til þeirra sem eiga rétt á henni. Sem dæmi hefur kr. 9.000.000 gengistryggða lánið mitt (tekið í apríl 2007) rokið upp í núvirði m.v. gengi í kr. 21.000.000, eingöngu  vegna hrunsins og þeirra sem tóku stöðu á móti krónunni. Þá krefst ég leiðréttingar á þessari stökkbreytingu og geri um leið kröfu að bankinn hafi engin réttindi til þess að bókfæra þessar auka kr. 12.000.000 kröfu sem hagnað eða eitthvað á þá leið.

Þá komum við að auglýsingunni sem birtist bara einu sinni frá Landsbankanum. Þá ætlar starfsfólk okkar í Landsbankanum að gerst svo rausnarleg að leiðrétta höfuðstól gengistryggðra lána um ALLT að 27%. (takið eftir ALLT AÐ). Bíðið við hvað varð um hin 20%? Á að nota þær upphæðir í bjarga fyrirtækjum eins og Högum sem samanstendur af mönnum sem helstu gerendur þessa hruns.

Næsta föstudag kl 10:30 á ég fund með fulltrúa frá Landsbankanum í Hamraborg þar sem ég þarf að ræða þessi mál. Ég leyfi ykkur að fylgjast með útkomunni.

 

Athugasemdir

[Bjarni Kjartansson, 11.11.2009 kl. 23:28]

Saknaði þín í gær.

17 ára afmæli er nú mega flott.

Næstu fundir eru á 6.

Láttu sjá þig.

Við erum afar heppnir menn, að geta skoðað það sem skiptir mestu.

Vinur minn,  taktu frá næsta þriðjudag

vinarkveðjur

mibbó

[Guðbjörn Guðbjörnsson, 12.11.2009 kl. 18:18]

Sæll Haraldur

Ég var nú reyndar bara svo heimskur að taka 3,5 milljóna myntkörfulán og er því ekki að lenda eins illa út úr þessu. Það borgast hins vegar upp á 6 árum og 4 ár eftir, þannig að maður verður ekki búinn að bíta úr nálinni fyrr 2017.

Ég vona að þetta gangi hjá þér og fylgist með niðurstöðunni.