Samstöðufundur heimilanna á Austurvelli kl.15 í dag. Mætum öll!!!!

SAMSTÖÐUFUNDUR HAGSMUNASAMTAKA HEIMILANNA

Í ljósi þess neyðarástands sem ríkir á Íslandi boða Hagsmunasamtök heimilanna til samstöðufundar á Austurvelli í dag laugardaginn 23.5.2009 kl. 15.00

Við teljum að þær aðgerðir sem stjórnvöld hafa ákveðið að grípa til séu því miður hvergi nærri fullnægjandi.  Samkvæmt nýrri þjóðhagsspá fjármálaráðuneytisins munu 28.500 fjölskyldur á Íslandi (um 30%), skulda meira en þær eiga í árslok 2009.  Árið 2007 var um að ræða 7.500 fjölskyldur.  Þetta er 380% aukning.

Umrædd neikvæð eiginfjárstaða er fyrst og fremst til komin vegna höfuðstólshækkana gengis- og verðtryggðra lána.  Lánin hafa rokið upp úr öllu valdi í kjölfar verðbólguskotsins sem orsakaðist af gengishruni krónunnar.  Við höfnum því alfarið að almenningur verði látinn sæta ábyrgð á efnahagshruninu með þessum hætti.

Hagsmunasamtök heimilanna vilja:

* Að gengis- og verðtryggð lán verði leiðrétt með almennum aðgerðum

* Að áhætta milli lánveitenda og lántakenda verði jöfnuð

* Afnema verðtryggingu

* Að veð takmarkist við þá eign sem sett er að veði

* Samfélagslega ábyrgð lánveitenda



Ræðumenn:

Bjarki Steingrímsson, varaformaður V.R.

Guðrún Dadda Ásmundardóttir, í stjórn Hagsmunasamtaka heimilanna

Ólafur Garðarsson, í stjórn Hagsmunasamtaka heimilanna

Sigrún Elsa Smáradóttir, borgarstjórnarfulltrúi



Hljómsveitin EGÓ kemur fram



TÖKUM STÖÐU MEÐ HEIMILUNUM

www.heimilin.is

Athugasemdir

[Jón V Viðarsson, 23.5.2009 kl. 12:59]

Allir að fara til Noregs að vinna og bjarga þannig heimilunum. Þetta gera Pólverjar með góðum árangri. Þeir senda peningana heim og borga þannig upp skuldir á meðan illa árar. Þíðir ekkert að sitja heima og mótmæla, bara drífa sig af stað :)

[Vilhelmina af Ugglas, 23.5.2009 kl. 19:32]

Ég er ósammála þeirri ályktun Hagsmunasamtaka heimilanna að Sjálfstæðisflokkurinn og hans stefna sé undirrót alls þess vanda sem við stöndum frammi fyrir í dag.

[Valsól (IP-tala skráð) 24.5.2009 kl. 09:07]

Ég hef ákveðið að segja mig úr Hagsmunasamtökum heimilanna þó ég sé í raun sammála flestu af því sem þau berjast fyrir, en málið er að þegar hagsmunasamtök bera fyrir sig yfirlýstum Sjálfstæðismanni til að ausa skít á ákveðna hópa í samfélaginu þá tek ég ekki þátt lengur og ekki mun fara króna frá mér í viðbót til þessara samtaka.