Gjaldþrot og kennitölubrask. Hver er staðan?

Góður félagi minn tjáði mér að í fjölmörgum löndum eru eigendum og helstu stjórnendum fyrirtæka sem fara í gjaldþrot lagalega bannað að starfa og eiga í álíka eða sambærilegum rekstri næstu 4 árin. Hinsvegar megi þeir sömu starfa sem undirmenn en mega ekki vera eignaraðilar í fyrirtæki í slíkum rekstri. Þar með er búið að gera aðför að kennitölubröskurum. Þetta kemur líka í veg fyrir að stjórnendur hugsi gjaldþrot eða greiðslustöðvun ekki sem lausn fyrirtækisins á fjárhagsvandræðum heldur frekar hið hinsta dóm.

Hef ég nokkurn sterkan grun um að nú munu fjölmörg lítil og millistór fyrirtæki fara að stunda þetta til að geta haldið áfram í rekstri. Á sama tíma skilja þeir eftir sig skuldir hingað og þangað og yppta öxlum í skjóli nýrrar kennitölu þegar kröfuhafar gera kröfu til sömu mannanna á ógreiddum skuldum þeirra. Einnig er gjaldþrot leið til að sleppa við að greiða uppsagnafresti, laun og önnur gjöld.

Kerfið eins og það er í dag er í raun spíral kerfi þar sem þegar einn verður fyrir gjaldþroti, leiði það til gjaldþrota annarra.

Þetta er áhugvert og vonandi verður tekið á þessu hjá nýrri ríkisstjórn.

Athugasemdir

[EE elle (IP-tala skráð) 29.3.2009 kl. 23:40]

Það er alveg með ólíkindum að lögin í landinu skuli leyfa svona svindl og svik.  Það þarf að kasta þessum ólögum og setja sterkari lög gegn ehf´um.

[Hlynur Gudlaugsson (IP-tala skráð) 30.3.2009 kl. 11:38]

Get bent á eitt alveg kostulegt og svívirðilegt dæmi. Prisma/Prenkó - Íslandsprent - Prentheimar... hvað næst?

Þetta eru viðamestu gjaldþrot í prentbrannsanum og ótrúlegt framferði gagnvart birgjum ofl. sem töpuðu mikið á þessum fyrirtækjum. Sömu menn en önnur kennitala og það er eins og þessi tilteknu menn trúi því að þetta sé í góðu lagi. Á sama tíma voru þessi sömu fyrirtæki að undirbjóða blint í verk, lofuðu að vera t.d. 20% undir lægsta verði, ekki vitandi hvert lægsta verð er. Ekkert mál að vera lægstur ef þú borgar ekki hráefni og birgjum.

Svona smá innlegg í umræðuna:-)

Kveðja, Hlynur Guðlaugsson