Hagsmunasamtök Heimilanna - við verðum að standa saman!

Nú í kvöld var fundur hjá okkur í Hagsmunasamtökum Heimilanna. Erindi var flutt um stöðu lána og lána- og eignafærslur milli gamla og nýju bankanna. Staðan er mun alvarlegri en við flest gerum okkur grein fyrir. Ef höfuðstóll lána almennings verður ekki leiðréttur eru STERK merki um skelfilegar afleiðingar. Okkar hagkerfi þarf orkuskot. Bandaríkjamenn eru nú fyrst að átta sig á nauðsynlegum aðgerðum. Þær felast ekki í að pumpa fjármunum út í kerfið. Nú fyrst eru menn að átta sig á að hagkerfið sé á blá-brúninni við ennþá meiri hremmingum.

Eina leiðin til að snúa þróuninni við er að lækka höfuðstól lána hjá almenningi og hjá því neyslusamfélagi sem heldur hagkerfum gangandi.

Ef þú ert ekki ennþá meðlimur í Hagsmunasamtökum Heimilanna þá hvet ég þig til að vera með okkur og skrá þig á heimasíðunni www.heimilin.is

Saman getum við öll látið í okkur heyra og barist fyrir þeim tilverurétt sem heimilin á íslandi eiga skilið. Við megum ekki láta vaða yfir okkur!

Athugasemdir

[Oskar Johannesson (IP-tala skráð) 20.3.2009 kl. 09:50]

Hárrétt hjá þér Halli minn.