Katrín Ólafsdóttir Hagfræðingur í Speglinum í gær! Skyldulesning!!

 Ég varð satt að segja öskrandi af reiði að heyra Katrínu í viðtali í gær í Speglinum á Rás2. Þar á ósköp yfirvegaðan hátt lýsti hún því yfir hversu jákvæð skýrslan frá Seðlabankanum hafi verið um stöðu heimilanna. Áréttaði hún að það væri samt áhyggjuefni en skýrslan hafi komið á óvart hversu jákvæð hún væri. Almenn skynsemi hinsvegar segir mér að EIN fjölskylda sem er fórnarlamb brjálæðis útrásarvíkinga og deyfð í eftirliti hins opinbera er einni fjölskyldu of mikið og MJÖG alvarlegt. Ég gæti líkt þessu við að sérfræðingur segi að það hafi komið honum á óvart vissar tölur um andlát almennings vegna kulda undanfarið og þó að það sé alvarlegt þá voru þetta færri en hann hélt í upphafi. Slík orð er að mínu mati vanvirðingu gangvart einstaklingi.

Síðan var hún spurð um lausnir og þá koma frasi samtímans; "að slíkt þyrfti að skoða gaumgæfulega og komast að góðri niðurstöðu"........daaaa!

Þá fengum við að vita að hennar sjónarmið í að færa 20% niðurfellingu höfuðstóls verðtryggðra íbúðarlán um 20% þá væri það ALLS ekki raunhæft....vegna þess að það mundi kosta svo mikið og þá þyrftu almenningur hvort sem er að borga þennan pening í formi hærri skatta,  það þarf nefnilega að borga hlutina einhvern vegin þegar á endan er litið. Hugsið ykkur að Hagfræðingur skuli segja slíkt!

Á mannamáli eru staðreyndirnar hinsvegar þessar.

Ef ég skulda verðtryggt íbúðarlán og höfuðstóll í upphafi 2008 hafi verið 10.000.000 þá er sá höfuðstóll í dag miðað við vísitölu neysluverðs 14.000.000 (dæmi). Þá hafa myndast 4.000.000 hjá lánveitanda sem krafa á lántaka. Hversu mikinn rétt á lánveitandi á þessum 4.000.000 á hendur lántaka miðað við aðstæður í dag og orsaka þeirra? Svarið er; ENGINN RÉTTUR.

Þessi fjárhæð er uppreiknuð miðað við neysluvísitölu (sem td. verð á tómötum) og ekki til í raun og veru. Hinsvegar er það öruggt að lántakinn (skuldari) verður að borga þessar 4.000.000 aukalega. Það sem um ræðir er að vegna þessa hruns sem við stöndum fyrir, mun láveitandi sem er nú í eigu almennings (ríkisins) gefa eftir þessa vísitölu hækkun og þar með þurrka út þessa gervipeninga og gervikröfu frá lánveitanda.

Til þess að hræða okkur við þessari hugmynd þá orðar hagfræðingur eins og Katrín rök sín þannig; Að þetta sé KOSTNAÐUR á samfélagið! RANGT! Þetta er ekki kostnaður! Hver sem getur fært rök fyrir því að slíkt sé kostnaður látið mig vita hér í athugasemdum. Einnig látið mig vita hvernig afnám verðtrygginga sé einnig kostnaður en ekki tekjuskerðing fyrir hagsmunaaðila. Þau rök eru einnig vel þegin.

Athugasemdir

[iris Arnardóttir (IP-tala skráð) 13.3.2009 kl. 19:04]

heyr heyr, áfram Halli

...hvenær ætlar þú í framboð ljúfurinn....

knús og kram

íris

[Durtur, 28.3.2009 kl. 18:35]

Þarna mundi ég eftir nafninu! Linkaði á þetta í einhverju rausi hjá mér, biðst velvirðingar og fjarlægi linkinn ef þú vilt.