Vandræði í leikskólamálum í Kópavogi!

Nú er nýtt rekstrarfyrirkomulag að fæðast hjá nokkrum leikskólum í Kópavogi. Ekki að ég viti nákvæmlega hvernig reksturinn mun líta út en á hverjum morgni sem ég kem við í leikskóla dóttur minnar, Urðarhól í Kópvogi berast mér nýjar fréttir. Ekki eru þær að betri toganum heldur snýr að uppsögnum starfsfólks og mikilli óánægju, ekki nýjar fréttir Ég gaf mér tíma til að ræða við aðstoðarleikskólastjóra í morgun og grennslaðist fyrir um hvað væri í gangi. Starfsfólk bregst illa við breytingum, sérstaklega þegar mikil óvissa ríkir sem bendir til vissrar óreglu í mannauðastjórnum. Stefnumótun og starfsaðstaða er hönnuð af fólki sem vinnur ekki í leikskóla og vita einfaldlega ekki betur. Kemur í ljós að þorri leikskóla er hannaðir þannig að hljóðmengun er yfir hættumörk þegar allt er í fullum gangi. Besta sönnun þess er þegar konan mín kemur heim á kvöldin, en hún er leikskólakennari að mennt og starfaði hjá Kópavogi í mörg ár en er kominn til Reykjavíkur. Hún var andlega búinn eftir vinnudaginn vegna hávaða og áreiti. Þannig sýnist mér að stærsta vandamál forsvarsmanna leikskólaráðs er að snúa sér að nútíma stjórnunarháttum, svona eins og nútíma einkarekin fyrirtæki sem starfa í gríðarlegu samkeppnisumhverfi. Hvernig ætli það skulu vera? Í stuttu máli þetta: Fá utanaðkomandi, hlutlausan stefnumótunar ráðgjafa til að leiða stefnumótun hvers leikskóla (fyrirtækis) fyrir sig. Finna hagkvæmustu leiðirnar til að gera starfsfólk ánægt innan þess ramma sem fjármagn leyfir. Á meðan að ákvarðanir um húsnæði, starfsaðastöðu, stefnumál eru teknar inn í lokuðum skrifstofum í gamaldags stofnunum verður aldrei hægt að gera nógu nákvæm markmið. Það er skilda stjórnenda að taka mið að vilja sínas starfsfólks á öllum hæðum skipurits stofnunarinnar. Þannig skal Gunnar bæjarstjóri hugsa um hag yfirmanns leikskóla bæjarins, hann hugsar um hag leikskólastjóranna sem áfram hugsa um hag starfsfólk sem síðan hugsar um hag barnanna.
Þessi mál eru í mikillri óreiðu hjá Kópavogsbæ og tími til kominn að spíta í lófanna og gera flotta hluti á meðan starfsfólkið er ennþá í vinnu og ekki búið að segja upp...þetta getur verið þræl gefandi og skemmtileg vinna.

Athugasemdir

[BP (IP-tala skráð) 27.6.2007 kl. 10:52]

Einnig má taka tillit til aðstöðu barna í fatahengi, en þau eiga að klæða sig í og úr útifötum sjálf ef þau geta en ná flest ekki upp í hólfið þar sem vettingar og húfur eru geymdar.  Fá nákvæmlega 20 cm fyrir allt sitt dót og það er ekkert lítið af þeim búnaði 9 mánuði ársins.