Hver sendi mér þessa górillu?

Þakka ykkur fyrir að tjá ykkur hér á minni bloggsíðu um hagsmunarmál heimilanna. Það er mikilvægt að við höldum ró okkar og beygjum viljann undir rödd skynseminnar. Vandamálið varð til vegna aðstæðna sem eru liðnar. Framtíðin liggur fyrir okkur. Skaðvaldur þessara afleiðinga voru ekki neyslu peningar almennings, það vita flestir sem kunna að reikna.

Hvað skal gera? Setja heimilin á hausinn eða bjarga þeim?

Smá dæmisaga til gamans; Ég hef hugsað aðstæður þannig að á sínum tíma keypti ég lítinn apa.

Ég gaf honum að borða á hverjum degi og allir á heimilinnu voru sáttir. Einn góðan veðurdag var apinn horfinn. Um næstu mánaðamót var mér tilkynnt að menn út í bæ hefðu tekið apann minn og ég mun aldrei fá hann aftur.

Hinsvegar var verið að koma með stóra og mikla górillu til mín í staðinn. Skilaboðim sem fylgdu górillunni voru; ef þú getur ekki gefið henni að borða og hugsað eins vel um hana og þú gerðir við litla sæta apann þá mun górillan éta þig og þitt heimili.

Þú ræður! Annað hvort gerir þú þetta eða þú munt verða étinn af górillunni okkar.

Ég spyr, hvaðan kom þessi górilla. Ekki bað ég um hana með neinni undirskrift? Hvar er litli sæti apinn minn? Hvernig gat einhver aðili úti í bæ rænt litla sæta apanum mínum sent í staðin þessa ógurlegu górillu? Hver gaf honum leyfi til þess?

Slíkar myndlíkingar hjálpa manni að skilja að fasteignalán hækkuðu úr fáum krónum í fjölda króna á mjög skömmum tíma. Sumt í heiminum er rangt, sumt rétt. Þetta er rangt!  

Athugasemdir

[Toni (IP-tala skráð) 7.5.2009 kl. 01:39]

Gamli bankinn tók litla sæta apan af þér, ríkið færði þér úrílla górillu í staðinn.

[Steinn Magnússon (IP-tala skráð) 7.5.2009 kl. 14:36]

Ertu vissum að "litli sæti apinn" hafi ekki verið gorillu ungi í raun og veru?

Ég held að bankarnir sem komust inn á húsnæðislánamarkaðinn hafi verið sérlega duglegir í að selja svikna apa.

[Páll A. Þorgeirsson (IP-tala skráð) 7.5.2009 kl. 15:04]

Hvað kallast þau sem geta tekið þessa "ógurlegu górillu" frá heimilunum, "pólitísk skrímsli"   eða er það of fallegt nafn.

[Davíð Arnar (IP-tala skráð) 7.5.2009 kl. 18:14]

Nokkuð til í þessu. Mín górilla er skapvond, andfúl og sísvöng.

[Ævar Rafn Kjartansson, 7.5.2009 kl. 21:16]

Ráðgjöf stórefld en úrræðin ekki?