Þeir sem landinu stjórna eru að gleyma sér.

Hugsjón um betri kjör heimila í landinu hafa gleymst. Sá stjórnmálamaður sem eyðir sínum tíma í að huga að fólkinu í landinu er ekki til staðar. Vinnan einkennist að því að vinna og endurbæta stofnanir með hagfræði að leyðarljósi. Hver er markhópur þingheims, fyrir hverja eiga þeir að vinna?

Erla Karlsdóttir skrifar athugasemd við blogg hjá Maríó Njálssyni og segir:" Skv. viðtali við fjármálaráðherra í "Ísland í dag" á Stöð 2 þann 26. maí þá taldi hann upp ríkissjóð, íbúðalánasjóð, lífeyrissjóðina og sveitarfélögin sem helstu máttarstólpa þjóðfélagsins, þar eru heimilin í landinu eða þegnarnir ekki teknir með sem helstu grunnstoðir samfélagsins því miður!"

Þetta fékk mig til að hugsa um þá staðreynd að það er ekkert verið að gera fyrir heimilin. Endalaust er verið að vinna að því að gera okkur erfiðara og erfiðara að lifa góðu lífi. Með "hagkvæmari" lausnum frá þingheim er orðið erfiðara og erfiðara að reka heimilin í landinu. Margt fólk hugsar til flutnings úr landi. Því er mjög líklegt að þegar sala fasteigna fer aftur í gang munu margir selja og flytja erlendis.

Jóhanna Sigurðardóttir tók það skýrt fram að meirihluti á ennþá meiri eignir en skuldir, sem betur fer. En að geta látið þetta út úr sér er ekki í lagi. Ég fullyrði að 95% heimila eiga í miklum vandræðum að láta enda ná saman. Hvað hefur hækkað að undanförnu? Íbúðarlánin (höfuðstóll og afborganir), öll önnur lán t.d. bílalán, bensín, matur, tryggingar, skólamatur, frístundarklúbbar barnanna, nánast hver einasti liður í fastakostnaði hefur hækkað gríðarlega. Hvað hefur lækkað? Laun (hvert einasta fyrirtæki hafa beygt starfsfólk sig undir launalækkanir...þeir sem samþykkja ekki slíkt eru látnir fara), verðmæti íbúðar, afföll af bílum er gríðarlegt.

Hvað er síðan á dagskrá þings á næstunni?

(ps. kíkið á þessi orð Jóhönnu) http://www.althingi.is/johanna/greinar/safn/000017.shtml

 Endilega kíkið á samfélagssáttmála Hagsmunasamtaka heimilanna.

 

 Dagskrá alþingis næstu daga.

08.06.2009 08:15 Fundur í sjávarútvegs- og landbúnaðarnefnd 08:30 Efnahags- og skattanefnd og viðskiptanefnd 09:00 Fundur í utanríkismálanefnd 09:15 Fundur í umhverfisnefnd 15:00 Þingfundur	09.06.2009 08:30 Fundur í allsherjarnefnd 08:30 Fundur í félags- og tryggingamálanefnd 12:00 Fundur í fjárlaganefnd 13:30 Þingfundur
10.06.2009 13:30 Þingfundur	11.06.2009 10:30 Þingfundur

 

 

Skrár tengdar þessari bloggfærslu:

• Samfélagssáttmáli heimilanna

Athugasemdir

[EE elle (IP-tala skráð) 7.6.2009 kl. 20:27]

Nei, heimilin eru EKKI grunnstoðir Skuldalands.   Milljónirnar mega enn hlaðast ofan á skuldir heimilinnna í Skuldalandi.  Líka þeirra sem voru ekki með í eyðslu-vitleysunni.  Við megum bara lifa við það að þýfi hafi verið bætt ofan á skuldirnar okkar þvert gegn okkar vilja. 

[Valsól (IP-tala skráð) 8.6.2009 kl. 10:36]

Þið eigið þakkir skyldar fyrir ykkar vinnu og ég er algjörlega sammála því að það þarf að gera meira fyrir heimilin í landinu. Núna þegar kreppan er á fullu skriði munu margar fjölskyldur brotna. Eftir sitja börnin sem horfa upp á foreldra sína kykkna undan skuldum og basli. Það er eitt sem mig langar til að stinga upp á við ykkur samtökin. Þ.e. að settur verði saman hópur fólks, t.d. félagsráðgjafa, hagfræðinga og annarra sem málið varða, og sett verði fram fjölskyldustefna á við það sem tíðkast á hinum Norðurlöndunum. Það er löngu orðið tímabært að það sé gert og þá sérstaklega í því umhverfi sem við búum við núna. Til hvaða viðbragða á að grípa þegar fjölskylda brotnar? Hvað er hægt að gera til að koma í veg fyrir það? Hvað kostar að lifa fyrir vísitölufjölskylduna? Hvaða félagslega stuðning fá fjölskyldur í vanda? Nefnd sem setti yrði á fót gæti svarað þessum spurningum og komið með tillögur til úrbóta. þessu yrði síðan beint til stjórnvalda og kallað eftir viðbrögðum þeirra. Hvernig standa t.d. þeir sem ekki hafa rétt á atvinnuleysisbótum eða eru að missa slík réttindi? Síðast þegar ég vissi var sú upphæð sem fólk fékk til framfærslu hjá svietarfélögum, rétt um 90 þúsund á mánuði. Eitthvað hefur það þó hækkað. það sér samt hver heilvita maður að það gengur ekki upp að lifa á slíkum bótum. En einhver öfl í samfélaginu hafa alla tíð reynt að koma í veg fyrir að sett væri fjölskylduvæn stefna og að reiknað væri út hvað meðal einstaklingur þurfi til að komast af. Ég veit svo sem að þið eruð í vinnu upp fyrir haus, en allt í lagi að hafa þetta bak við eyrað.

Kveðja

Valsól

[Tómas Ibsen Halldórsson, 8.6.2009 kl. 14:17]

Þetta er alveg rétt hjá þér Haraldur, það er eins og stjórnmálamenn hafi gelymt þeirri staðreynd að án einstaklinga, fjölskyldna og heimila er ekker þjóðfélag og þá er enginn ríkissjóður, sveitarsjóður, íbúðalánasjóður, lífeyrissjóður eða bankar.