Leita í fréttum mbl.is

Hvernig er hægt að ræna peningum löglega?

Skilanefndir og skiptastjórar hafa mikið vald. Hversu mikið vald? Hver hefur eftirlit með þessum nýja valdamikla hóp? Er rétt að einn einstaklingur sé það áhrifamikill að hann/hún geti með valdi sínu úthlutað fasteignum og fyrirtækjum af eigin geðþótta? Hvernig stendur á því að allir þeir lögmenn sem starfa í þessari klíku eru ekki hefðbundnir launþegar, heldur bæði EHF félag og SF félag? Kosturinn við það fyrirkomulag er að lögmaðurinn getur látið efh félag borga 36.000 kr. tímakaup sitt inn á Ehf, sem síðan borgar SF félaginu þá sömu upphæð til að sleppa við tilkynningaskyldu um arð og tímagjaldið aldrei talið til tekna. Tekjur sem aldrei koma fram og hefur engin áhrfir á jaðarskatta.

Getur verið að þessi nýja klíka sé upphaf af mestu spillingu og ráni sem við íslendingar höfum séð?

Er spillingin og viðbjóðurinn meiri nú í dag en fyrir "hrun"? 

Dæmi: Ef þú ert skipaður/skipuð skiptastjóri eignarhaldsfélags FONS getur þú gert eftirfarandi?

1. Skipað sjálfan þig stjórnarformann Securitas og ákveðið launin sjálf/ur upp á ca. 5.000.000 á mánuði. Einu skylirðinn er að þú þarft aldrei að mæta til vinnu, það sem er kallað óstarfandi stjórnarformaður.

Með öðrum orðum fengið kr. 60.000.000 í laun án þess að gera neitt. 

2. Eytt tímanum þínum í upprunalega starfið sem skiptastjóri. Fyrir vinnuna rukkar þú kr. 36.000 á klukkutímann og getur tæknilega rukkað 2x fyrir tímavinnu sem engin hefur eftirlit með eða gagnrýnir. Þú veist þetta Ehf vs. Sf fyrirkomulag, engin skylda á arði, ekkert eftirlit. 

Nú hefur Sérstakur Ríkissaksóknari starfað í þó nokkurn tíma. Lítið þokast áfram, en samkvæmt heimildum einkennast yfirheyrslur á því að þeir sem eru yfirheyrðir sjá ekkert athugvert við það að hafa lánað mörg þúsund milljónir til vina og vandamanna með klósettpappír að veði. Ekkert athugavert við þannig vinnubrögð.

Síðan er annað, ef rannsóknarerindin ná ekki yfir 200 milljónum eru þau erindi sett til hliðar.

Getur verið að verið að hlutfallslega fámennur hópur séu að ræna peningum löglega? 

 Ef þú veist meira, endilega settu inn athugasemd eftir færsluna!


« Síðasta færsla | Næsta færsla »

Athugasemdir

1 Smámynd: Guðmundur Ásgeirsson

Fleiri dæmi um rán sem hafa verið lögleidd:

  • Einhliða verðtrygging lánsfjár
  • Bókfærsla krónulána sem gjaldeyriseigna (gjaldeyrisfölsun)
  • Framleiðsla peninga í formi vaxtaberandi útlána sem ekki er hægt að endurgreiða nema með meiri framleiðslu peninga fyrir vöxtunum, sem þarf svo að endurgreiða líka með vöxtum, sem ekki eru til peningar fyrir í kerfinu. Stærðfræðilega ómögulegt.

Svo eru sum rán kolólögleg en hljóta samt náð fyrir augum laganna varða og stjórnvalda:

  • Rangir endurútreikningar gengistryggðra lána
  • Vörslusviptingar umboðslausra einkafyrirtækja
  • Lánasamningar með blekkjandi upplýsingum
  • Banki keyptur með lánum frá öðrum banka
  • Fjárveitingar úr ríkissjóði til gjaldþrota fyrirtækja
  • Veiting ríkisábyrgða án innheimtu ríkisábyrgðargjalds 
  • Tilraun til brots á EES-samningi vegna innstæðutrygginga

Og svona mætti lengi telja. Verstu dæmin sem ég þekki er samt þegar bankarnir vaða inn á bankareikninga einstaklinga og tæma þá upp í meintar skuldir sem eru annaðhvort upplognar eða tilheyra í raun allt annari kennitölu en reikningseiganda. Ég hef sjálfur orðið fyrir slíkum innheimtuaðferðum og þekki fleiri sem hafa sömu sögu að segja.

Guðmundur Ásgeirsson, 10.12.2011 kl. 15:55

2 identicon

Rán um hábjartan daginn,í boði Norrænu velferðarstjórnarinnar.sem gerði þau herfilegu mistök, að aftengja ekki vísitöluna, allavega tímabundið strax við Hrunið.Þetta eru einhver mestu efnahagsmistök sem gerð hafa verið á Íslandi.

Raunveruleikinn með réttri verðtryggingu.

gudbjornj.blog.is

Jón Sig. (IP-tala skráð) 10.12.2011 kl. 20:17

3 identicon

Þú kaupir banka af ríkinu, best ef þú getur fengið hann gefins, síðan stofnar þú svona reikninga a la IceSave í útlöndum bíður ríflega vexti. Og á hverjum morgni skoðar þú hve mikið hefur verið lagt inn í dollurum, pundum og euróum. Er þetta ekki TÆR snilld.

Lúðvík Karl Friðriksson (IP-tala skráð) 11.12.2011 kl. 09:46

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Haraldur Haraldsson
Haraldur Haraldsson

Höfundur er Markaðsfræðingur/ Sálfræði frá Middle Tennessee State Univeristy (mtsu.edu).

Fæddur í Reykjavík 1971 og ólst upp í Garðabæ. Giftur Bergdísi Eysteinsdóttur sérkennslukennara. Eigum eina dóttur, Birtu Björk Haraldsdóttur fædd 2001.

Nærist á því að vera í kringum gott fólk og hef skýr lífsgildi um heiðarleika, kærleika.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband