Var Steingrímur ekki þreyttur á kjaftæðinu?

Jæja, þá kom útspil ríkistjórnarinnar og Skjalborgin kominn. Var ég vongóður að þarna væri allt að gerast og bjartari tímar framundan. En, nei....þau náðu ENN og AFTUR að klúðra þessu. Þeir sem hafa kynnt sér þetta sjá að langflestar af þessum tillögum eru þannig að verið er að slá á einkenni sjúkdómsins en ekki einu sinni reynt að lækna hann, svona eins og að gefa krabbameinssjúklingi morfín frá upphafi greiningar sjúkdómsins í stað þess að reyna að ná tökum á meininu með réttri meðferð.

Til að skilja þessar tillögur þurfum við að fara tala barnamáli. Ef ég skil rétt þá eru aðstæður eftirfarandi:

í Apríl 2007 tók ég íbúðarlán erlendri mynt upp á kr. 9.100.000. Samkvæmt bókum Landsbankans stendur það í dag í tæpum 22.000.000. Hvað gerðist eiginlega? Ég hef alltaf staðið í skilum og verið öllum lántökum til eftirbreytni. Eru menn ekki sammála um forsendubrest? Að sjálfsögðu átti maður ekki að taka svona lán en verðtryggð íbúðarlán voru svo ÓGEÐSLEG í eðli sínu að lánveitandinn mælti með fjármögnunarleið í erlendri mynt. Búið og gert. Nú ætlar Steingrímur og Jóhanna að standa við loforð um Skjaldborg og komu með þessa úrlausn í síðustu viku. Sú lausn þýðir að ef Landsbankinn ætlar að leiðrétta höfuðstólinn vegna forsendubrestsins að þá ætla Skjaldborgin í staðinn að ganga að mér og minni fjölskyldu með því að skattleggja leiðréttinguna? Er þetta rétt? Er þetta ég að misskilja eða...?

Ég veit ekki um þig sem lest þetta, en ef einhver er orðin þreyttur á kjaftæðinu þá er það ég!

Afskriftir verða skattlagðar

Athugasemdir

[Kristinn M (IP-tala skráð) 20.3.2010 kl. 09:08]

Sæll Haraldur.

Hjartanlega sammála þínum skrifum, mikið asskoti er ég orðin þreyttur á þessu kjaftæði, en það er til leið til að komast út úr þessu kjaftæði fyrir þá sem vilja og tekur skamma stund.

Það er Icelandair-Iceland Express & Smyril line,,, jú og SAS líka.

KMJ

[Erla Magna Alexandersdóttir, 20.3.2010 kl. 12:01]

sæll og gott að fólk segi eitthvað !

 Ef eg kæmist burt af þessum vitlausraspítala her væri eg löngu farin- það kemur hver vitleysan eftir aðra frá Stjórninni !

Er fólkið á lyfjum ???

kv. Erla Magna

[Jakob Þór Haraldsson (IP-tala skráð) 20.3.2010 kl. 13:02]

Þessi Norræna velferðastjórn, Lady GaGa & SteinFREÐUR eru því miður ekki sammála þér um "... forsendubrest?"  Þau hafa því miður ENGAN áhuga á að koma fram með LEIÐRÉTTINGU, stórhættulegt lið!

kv. Heilbrigð skynsemi (www.fun.blog.is)

[Guðjón Sigþór Jensson, 20.3.2010 kl. 20:39]

Það getur vel verið að það teljist til heimsku að semja um skuld í erlendri mynt þegar sá sami hefur ekki tekjur í sama gjaldmiðli.

En eg hef auðvitað samúð með þér

 Mosi

[Sigrún Inga (IP-tala skráð) 20.3.2010 kl. 22:16]

Er það ekki viðurkenning á "forsendubresti" að bankar og stjórnvöld eru með einhverjar aðgerðir, þó sumum finnist þær ekki ganga nógu langt. Undir venjulegum kringumstæðum, sem ekki eru, væri ekkert verið að gera.

Stærsti munurinn á verðtryggðum lánum og hefðbundnum er sá að við venjuleg nafnvaxtalán er staðgreitt fyrir verðbólguna en í verðtryggingu er hún fengin að láni. Því eru afborganir verðtryggðra lána allt að 75% lægri en af hefðbundnum. Gengislán var von framhjá verðbóginni krónu!

Sigrún Inga.

[Theódór Norðkvist, 21.3.2010 kl. 01:00]

Það sem er alvarlegast er að stjórnvöld líta algerlega framhjá því að lán með tengingu við gengi erlendra mynta voru dæmd ólögleg fyrir fáeinum vikum.

Ráðherrar hafa lýst því yfir að það væri réttaróvissa um gengistryggðu lánin vegna tveggja mismunandi niðurstaðna Héraðsdóms um lögmæti þeirra.

En með þessari lagasetningu eru stjórnvöld í raun að úrskurða gengistryggðu lánin lögleg! Aðeins er hægt að skattleggja löglega starfsemi.

[Sigurður G (IP-tala skráð) 21.3.2010 kl. 02:15]

Heimilin fá í raun verri útreið heldur en fyrirtækin með þessu útspili ríkisstjórnarinnar.  Fyrirtæki geta nýtt sér tapið skattalega á móti skattlagningunni, heimilin ekki.  Þar með eru heimilin sett í verri stöðu en fyrirtækin.

[Andrea Ólafs (IP-tala skráð) 21.3.2010 kl. 10:02]

Hvað getur maður sagt Halli minn?

Kannski bara HELVÍTIS FOKKING FOKK!!!!!!
?????

Erum við að fara að gleypa við þessari drullu?